جەتىسۋ وبلىسىندا ايۋمەن سۋرەتكە تۇسكەن ادام انىقتالدى
«بەلگىلى بولعانداي، فوتوسۋرەت وسى جىلدىڭ قىركۇيەك ايىندا ەسكەلدى اۋدانىنىڭ تاۋلارىندا تۇسىرىلگەن. سۋرەتتەگى ادام 41 جاستاعى جەرگىلىكتى تۇرعىن بولىپ شىقتى. ەر ادام ۇستالىپ، اۋداندىق پوليتسيا بولىمىنە ايعاق بەرۋ ءۇشىن جەتكىزىلدى»، - دەلىنگەن جەتىسۋ وبلىستىق پوليتسيا دەپارتامەنتى باسپا ءسوز قىزمەتىنىڭ حابارلاماسىندا.
ءىس بويىنشا تەرگەۋ ق ر ق ك 337-بابىنا سايكەس «جانۋارلاردىڭ سيرەك كەزدەسەتىن جانە قۇرىپ كەتۋ قاۋپى تونگەن تۇرلەرىنە، سونداي-اق پايدالانۋعا تىيىم سالىنعان جانۋارلارعا قاتىستى جاسالعان» ءىس جۇرگىزىلىپ جاتىر.
قىلمىستىق ءىستى تەرگەۋدى جەتىسۋ وبلىستىق پوليتسيا دەپارتامەنتى باقىلاۋعا الدى.
ايتا كەتەيىك، وسىعان دەيىن جەتىسۋ وبلىسىندا ايۋمەن سۋرەتكە تۇسكەن ادامدى پوليتسيا ىزدەستىرىپ جاتقانىن حابارلاعان بولاتىنبىز.
