ا ق ش- تا ەلەكتر ستانسالارىنا قارۋلى شابۋىل جاسالدى

BBC News مالىمەتىنشە، مۋر وكرۋگىندە جۇما كۇنگە دەيىن توتەنشە جاعداي رەجيمى جاريالانىپ، تۇندە كوشەگە شىعۋعا تىيىم سالىنعان.

سولتۇستىك كارولينا گۋبەرناتورى روي كۋپەر شابۋىلداردىڭ مۇنداي تۇرلەرى قاۋىپتىڭ جاڭا دەڭگەيىن كورسەتىپ وتىرعانىن جانە ماڭىزدى ينفراقۇرىلىمدى قورعاۋ «باستى باسىمدىققا» اينالاتىنىن ايتتى.

پوليتسيانىڭ مالىمەتىنشە، بەلگىسىز بىرەۋلەر ءبىر- بىرىنەن 8 شاقىرىمداي قاشىقتىقتا ورنالاسقان ەكى قوسالقى ستانسىعا وق جاۋدىرعان. شابۋىلدار جوسپارلى جانە ماقساتتى بولعان جانە ونى جاساۋشىلاردىڭ نيەتى ازىرگە بەلگىسىز.

وقيعا سالدارىنان مۋر وكرۋگىندە 35 مىڭعا جۋىق ادام جارىقسىز قالدى. بيلىكتىڭ ايتۋىنشا، ەلەكتر قۋاتىن قالپىنا كەلتىرۋ بەيسەنبىگە دەيىن سوزىلۋى مۇمكىن، سەبەبى ەكى ستانسا دا ايتارلىقتاي زاقىمدانعان.

جەرگىلىكتى اۋرۋحانا، دۇكەن، سۋ جانە كارىز قىزمەتتەرى رەزەرۆتىك گەنەراتورلاردان قۋات الىپ جۇمىس ىستەۋدە. وكرۋگتەگى مەكتەپتەر جابىلدى. دۇيسەنبى كۇنى تاڭەرتەڭ اۋا تەمپەراتۋراسى 0 گرادۋسقا جەتىپ، وكرۋگ مۇقتاج جانداردى سپورت كەشەنىنە كوشىردى.

اق ءۇيدىڭ ۇلتتىق قاۋىپسىزدىك كەڭەسىنىڭ وكىلى دجون كيربي تەرگەۋ بارىسى ءجىتى باقىلاۋعا الىنعانىن ايتتى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى