پوليتسەيدەن قاشقان ۇرى قوقىس كونتەينەرىندە جاسىرىنعان - ۆيدەو

«5-جەلتوقسان كۇنى، شامامەن ساعات 20:00 دە 49 جاستاعى ايەل «102» ارناسىنا حابارلاسىپ، بەس مينۋت بۇرىن ءۇيىنىڭ الدىندا وتالىپ تۇرعان Nissan Almera اۆتوكولىگىن بەلگىسىز ادام ايداپ اكەتكەنىن ايتتى. اتالعان حابارلاما بويىنشا ءتارتىپ ساقشىلارى «سەرگەك» ۆيدەوباقىلاۋ جۇيەسى ارقىلى اۆتوكولىكتىڭ الييەۆ كوپىرىنە باعىت الىپ بارا جاتقانىن انىقتاپ، پاترۋلدىك پوليتسيا قىزمەتكەرلەرىنە باعىتتاما بەرەدى.

وقيعا ورنىنا جەدەل جەتكەن باتىس-15 قىزمەتكەرلەرى كولىكتى ماحامبەت - ساتىبالديەۆ كوشەلەرىنىڭ قيىلىسىندا توقتاتقان كەزدە كۇدىكتى پوليتسيا قىزمەتكەرلەرىنە باعىنباي، اۆتوكولىكپەن قاشىپ جونەلدى. بۇنىمەن قوسا، كۇدىكتى جول ەرەجەسىن ورەسكەل بۇزىپ، قارسى باعىتقا شىعىپ، جول- كولىك اپاتىن جاسادى»، - دەدى پوليتسيادان.

ەر ادام بۇدان ءارى كولىكتى تاستاي سالا قاشىپ، جاقىن ماڭداعى قوقىس جاشىگىنە تىعىلعان. ۇسىنىلعان ۆيدەو كادرىندا كورىنىپ تۇرعانداي، ۇرى كونتەينەرگە سەكىرىپ كىرۋ كەزىندە ماڭايىندا جولشىباي ادامدار جۇرگەنىن ەلەمەگەن.

«وقيعا ورنىنا دەرەۋ جەتكەن پوليتسيا قىزمەتكەرلەرى كۇدىكتىنى ۇستادى. تەكسەرۋ بارىسىندا 34 جاستاعى ازامات «كولىك ۇرىسى» جانە «قالتا ۇرىسى» رەتىندە تىزىمدە تۇرعانى انىقتالدى. اۆتوكولىك ارنايى تۇراققا قويىلىپ، ۇستالعان ازامات جەدەل- تەرگەۋ توبىنا تاپسىرىلدى»، - دەپ ناقتىلادى پوليتسيادان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى