كاتار مەملەكەتتىك اقپارات اگەنتتىگى مەن «قازاقپارات» ح ا ا جاڭالىق الماسۋعا كەلىستى
كاتار مەملەكەتتىك اقپارات اگەنتتىگى Qatar News Agency باسشىلىعىمەن كەزدەسۋدە تاراپتار كونتەنت الماسۋ بويىنشا ىنتىماقتاستىققا قىزىعۋشىلىق تانىتتى. قازاقستان جانە قاتار اقپارات اگەنتتىكتەرى اراسىندا كەشەندى كەلىسىم جاساسۋ جوسپارلانۋدا.
«قازاقپارات» ح ا ا جانە Qatar News Agency ءوزارا ءتيىمدى اقپارات الماسۋدى دامىتىپ، جاڭالىقتار مەن ساراپتامالىق ماتەريالدار الماسادى، سونداي- اق پورتالداردى ۇلتتىق تىلدەرگە وقشاۋلاۋ ماسەلەلەرىندە ەكى اگەنتتىكتىڭ تابىستى تاجىريبەسىن پايدالانا الادى. بۇدان باسقا، نەعۇرلىم ءتيىمدى جۇمىس ىستەۋ ءۇشىن قازاقستان جانە قاتار تاراپى وزدەرىنىڭ تىلشىلەر جەلىلەرىن بىرلەسىپ پايدالانۋعا دايىن.
دوحادا تاعى ءبىر ءىرى اقپارات حولدينگى - Qatar Media Corporation باسشىلىعىمەن كەلىسسوزدەر جۇرگىزىلدى. بۇگىنگى تاڭدا بۇل مەديا كومپانيانىڭ قۇرىلىمىنا بىرنەشە تەلەارنا مەن راديوستانسيا كىرەدى.
Qatar Media Corporation باسشىلىعى پرەزيدەنت تەلەراديوكەشەنىنىڭ قىزمەتتەرى قۇرعان الەۋمەتتىك جەلىلەرگە ارنالعان كونتەنتتىڭ جوعارى ساپاسىن اتاپ ءوتتى. تاراپتار كونتەنتتى بىرلەسىپ جاساۋ جانە ونى ءتيىمدى تاراتۋ بولىگىندە ىنتىماقتاستىقتىڭ ىقتيمال نۇسقالارىن تالقىلادى. Qatar Media Corporation باسشىلىعى جاقىن ارادا قازاقستانعا بارۋدى جوسپارلاپ وتىر.
«قازاقپارات» ح ا ا - 1920 -جىلى قۇرىلعان قازاقستاننىڭ ەجەلگى اقپارات اگەنتتىگى. 2022 -جىلدىڭ 1- ساۋىرىنەن باستاپ «ق ر پرەزيدەنتىنىڭ تەلەراديوكەشەنى» ك ە ا ق قۇرامىنا ەندى.
Qatar News Agency - قاتاردىڭ مەملەكەتتىك اقپارات اگەنتتىگى. ول 1975 -جىلى 25- مامىردا قۇرىلعان. ونىڭ شتاب- پاتەرى قاتار استاناسى دوحادا ورنالاسقان. Qatar News Agency جاڭالىقتارى اراب جانە اعىلشىن تىلدەرىندە تارايدى، سونىمەن قاتار يسپان جانە پورتۋگال تىلدەرىندە جاڭالىقتار قىزمەتى بار.
Qatar Media Corporation - قاتارداعى قوعامدىق حابار تاراتۋ جەلىسى. ول 1997 -جىلى 27 -ساۋىردە تىركەلدى. Qatar Media Corporation قۇرامىنا بىرنەشە تەلەارنا مەن راديوستانسيا كىرەدى.
ايتا كەتەيىك، بۇعان دەيىن ق ر پرەزيدەنتى تەلەراديوكەشەنى ارابيالىق «ءال- جازيرا» سپۋتنيكتى تەلەارناسىمەن ارىپتەستىك قارىم- قاتىناس ورناتقانىن جازعان ەدىك.
اۆتور
اقبوپە ءابدراسۋل
