ەلوردانىڭ سارىارقا مەن بايقوڭىر اۋداندارىنا قالالىق بيۋجەتتەن نەگە از قارجى بولىنەدى
«ءتورت اۋدان بويىنشا اقشا دۇرىس بولىنبەيتىندىگى تۋرالى ماسەلەنى بىرنەشە مارتە كوتەردىك. اۋداندار اراسىنداعى سوما ايىرماشىلىعىن وزدەرىڭىز دە قاراڭىزدار. ماسەلەن، ەسىل اۋدانىنا 15 ميلليارد تەڭگە بولىنسە، سارىارقا اۋدانىنا 9 ميلليارد، بايقوڭىر اۋدانىنا 8 ميلليارد تەڭگە قاراستىرىلعان. مۇنى قالاي تۇسىندىرۋگە بولادى؟ كەيبىر اۋماق، ايتالىق بايقوڭىر وزگە اۋداندارعا قاراعاندا ۇلكەن عوي. ادام سانى بويىنشا بارلىق اۋداندى بىردەي دەۋگە بولادى»، - دەدى ول قالانىڭ 2023-2025-جىلدارعا ارنالعان بيۋجەت جوباسىن قوعامدىق تالقىلاۋ بارىسىندا.
ءدال وسى ساۋالعا جاۋاپ بەرگەن اكىمدىك وكىلى ەسىل اۋدانىن الداعى ۋاقىتتا ەكىگە ءبولۋ جوسپارىنا بايلانىستى قاراجاتتىڭ كوبىرەك بولىنگەندىگىن العا تارتادى. ەگەر ەسىل ەكىگە بولىنسە، وندا اۋداندار اراسىنداعى قاراجاتتا تەڭدىك ورنايتىن بولادى. سونىمەن قاتار ەسىل اۋدانىندا قوسىمشا قاراجاتتى قاجەت ەتىن بوتانيكالىق ساياباق سىندى نىسانداردا دا ورنالاسقان.
ايتا كەتەيىك، قالانىڭ كەلەسى جىلعا ارنالعان بيۋجەتىندە الماتى اۋدانى اپپاراتىنا - 10 ميلليارد 914,9 ميلليون تەڭگە، بايقوڭىر اۋدانىنا - 8 ميلليارد 288,5 ميلليون تەڭگە، ەسىل اۋدانىنا - 15 ميلليارد 272,1 ميلليون تەڭگە، سارىارقا اۋدانىنا - 9 ميلليارد 887,1 ميلليون تەڭگە قاراستىرىلعان.
