ۇلتتىق بانك: بازالىق مولشەرلەمەنى كوتەرۋ تسيكلى اياعىنا جاقىنداپ قالدى

ياعني، اياق استىنان كۇتپەگەن قۇبىلىستار بولماسا، بازالىق مولشەرلەمە الداعى ۋاقىتتا كوتەرىلە قويمايدى، دەپ حابارلايدى قازاقپارات ءتىلشىسى.

بۇل تۋرالى ول بازالىق مولشەرلەمەنى كوتەرۋ سەبەپتەرىنە ارنالعان بريفينگىدە ايتتى.

«ۇلتتىق بانك بازالىق مولشەرلەمەنى كوتەرۋ تسيكلىن اياقتاۋعا جاقىندادى. قابىلدانعان شەشىم ەسكەرسەك، بازالىق مولشەرلەمەنىڭ دەڭگەيى بارىنشا جوعارى دەپ باعالانادى. مولشەرلەمەنى ۇزاق ۋاقىت بويى قازىرگى دەڭگەيلەردە ساقتاۋ ينفلياتسيانى تۇراقتاندىرۋعا جانە ونى ورتا مەرزىمدى پەرسپەكتيۆادا بىرتىندەپ تومەندەتۋگە مۇمكىندىك بەرەدى. جاڭا پروينفلياتسيالىق كۇتپەگەن وزگەرىستەردىڭ، بولماسا، اقشا-كرەديت ساياساتىن ودان ءارى قاتاڭداتۋ ىقتيمالدىعىن تومەن دەپ باعالايمىز»، - دەپ ءتۇسىندىردى ۇلتتىق بانك باسىشسى.

ايتا كەتەيىك، بۇگىن ۇلتتىق بانك بازالىق مولشەرلەمەنىڭ دەڭگەيىن %16,75 دەپ بەلگىلەگەن بولاتىن.

سونداي-اق، عالىمجان ءپىرماتوۆ جىل اياعىنا دەيىن ەلدەگى ينفلياتسيا %20-21 بولاتىنى تۋرالى بولجام جاسادى.

«بازالىق ستسەنارييدەگى بولجام ايتارلىقتاي قايتا قارالدى. 2022-جىلدىڭ سوڭىنا دەيىن ينفلياتسيا 20-21 پايىز شەگىندە قالىپتاسادى. ءبىز 2023-جىلعى 1-توقساندا جىلدىق ينفلياتسيانىڭ شارىقتاۋ شەگىنە جەتەتىنىن بولجايمىز.

ساۋدا قۇرىلىمىنداعى وزگەرىستەردىڭ ۇزاققا سوزىلۋى تۇتىنۋ تاۋارلارىنىڭ ازىق-تۇلىككە جاتپايتىن سەگمەنتىندە كورىنىس تاۋىپ وتىر. سالدارىنان ينفلياتسيانىڭ ارتۋىنا سەبەپكەر بولاتىن العىشارتتار قالىپتاسىپ وتىر. دەزينفلياتسيالىق سىرتقى ورتادا ينفلياتسيا بويىنشا بولجام 2023-جىلدىڭ سوڭىنا قاراي %11-13 عا دەيىن كوتەرىلدى. 2024-جىلى ينفلياتسيا %7-9، 2025 -جىلى %4-6 شەگىندە بولجانادى»، - دەدى ول.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى