فۋتبول: وڭتۇستىك كورەيا پورتۋگاليانى جەڭە الا ما

بۇل توپتا پورتۋگاليا ەكى ويىندا جەڭىسكە جەتىپ، جارىستىڭ 1/8 فينالىنا شىعىپ قويدى. قالعانى ەكىنشى جولداما ءۇشىن تالاسادى.

اتالعان توپتاعى ويىندار ەلوردا ۋاقىتىمەن 21:00 دە وتكىزىلەدى.

وڭتۇستىك كورەيا مەن پورتۋگاليا قۇرامالارىنىڭ ويىنى «Qazaqstan» تەلەارناسىنان تىكەلەي ەفيردە كورسەتىلەدى.

ويىن ەر-رايان قالاسىنداعى 44667 جانكۇيەرگە ارنالعان «ەديۋكەيشن سيتي» ستاديونىندا بولادى. باس تورەشى - فاكۋندو ارگەنتيكالىق تەلو يسمايل.

FIFA رەيتينگىندە وڭتۇستىك كورەيا – 20، پورتۋگاليا 9-ورىندا تۇر.

ەكى قۇراما بۇعان دەيىن ەكى مارتە كەزدەستى. ەكەۋىندە دە كورەيلىك فۋتبولشىلار جەڭىسكە جەتتى. 2002-جىلعى الەم چەمپيوناتىندا وڭتۇستىك كورەيا اتالعان قارسىلاسىنان 1:0 ەسەبىمەن باسىم تۇسكەن ەدى.

اتالعان توپتاعى گانا مەن ۋرۋگۆاي كەزدەسۋى جانكۇيەرلەر «Qazsport» تەلەارناسىنان تىكەلەي ەفيردە تاماشالاۋىنا بولادى.

ويىن ەل استاناسى ەل-ۆاحرا قالاسىنداعى 44089 جانكۇيەرگە ارنالعان «ەل-دجانۋب» ستاديونىندا وتكىزىلەدى. باس تورەشى - گەرمانيالىق دانيەل زيبەرت.

FIFA رەيتينگىندە گانا – 61، ۋرۋگۆاي 14-ورىندا تۇر.

ەكى قۇراما بۇعان دەيىن ەكى مارتە كەزدەستى. بىرەۋىندە ۋرۋگۆايلىقتار جەڭىسكە جەتسە، بىرەۋىندە تەڭ ناتيجە تىركەلدى.

سونداي-اق، بۇگىن، 2- جەلتوقساندا ەلوردا ۋاقىتىمەن 1:00-دە G توبىندا سەربيا مەن شۆەيتساريا، كامەرۋن مەن برازيليا قۇرامالارى كەزدەسەدى.

قازىرگە دەيىن پلەي-وفف ساتىسىنا شىققان 14 قۇراما بەلگىلى بولدى. ولاردىڭ قاتارىندا برازيليا مەن پورتۋگاليا قۇرامالارى بار. قالعان ەكى جولداما يەسى بۇگىن انىقتالادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى