بۇيىرسا چەمپيوندىق بەلدىكتى اكەلەمىز: ايدوس ەربوسىن ۇلى اۋرۋحانادان شىقتى

ۆكونتاكتە الەۋمەتتىك جەلىسىندەگى «قازاقستاننىڭ كاسىپقوي بوكسى» پاراقشاسىندا سپورتشىنىڭ اۋرۋحانادان شىققاننان كەيىن جازعان العاشقى ۆيدەو ۇندەۋى جاريالاندى.

«ماعان جانكۇيەر بولعان جانداردىڭ بارىنە اللا رازى بولسىن. امان-ساۋمىز، اۋرۋحانادان ەمدەلىپ شىقتىق. اينالىسىپ جۇرگەن كاسىبىمىز - بوكس - ناعىز ەرلەردىڭ سپورتى بولعاندىقتان، مۇنداي جاعدايلار بولىپ تۇرادى. ءبىز عانا ەمەس، ايگىلى پاكياولاردىڭ ءوزى اۋرۋحاناعا تالاي رەت تۇسكەن، مىقتى بولىپ ورالعان. ءبىز دە، ينشاللا، مىقتى بولىپ ورالامىز. اللا بۇيىرسا، ءالى تالاي جەڭىستەرگە جەتەمىز، چەمپيوندىق بەلدىكتى الىپ كەلەمىز»، - دەدى ايدوس ەربوسىن ۇلى.

ەسكە سالساق، 6- قاراشا كۇنى ا ق ش- تا قازاقستاندىق بوكسشى ايدوس ەربوسىن ۇلى (16-0، 11 ك و) مەن كۋبالىق داۆيد موررەل (7-0، 6 ك و) اراسىندا WBA نۇسقاسى بويىنشا سۋپەر ورتا سالماقتاعى «تۇراقتى» الەم چەمپيونى اتاعى ءۇشىن جەكپە-جەك ءوتىپ، وتانداسىمىز نوكاۋتپەن جەڭىلدى. ايقاستان سوڭ بوكسشىمىز شۇعىل تۇردە اۋرۋحاناعا جەتكىزىلدى. ول كوماعا ءتۇستى.

بوكسشىعا جانكۇيەرلەرمەن بىرگە قازاقستان پرەزيدەنتى دە قولداۋ ءبىلدىردى.

Suleimen Promotions كومپانياسى بۇعان دەيىن امەريكاعا ايدوستىڭ جۇبايى ۇشىپ كەلگەنىن، بوكسشى تاياۋ ۋاقىتتا اۋرۋحانادان شىعارىلۋى ىقتيمال ەكەنىن مالىمدەگەن ەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى