جامبىلدا قاڭتار وقيعاسىنان كەيىن كوز جۇمعان جاسوسپىرىمگە ۇكىم شىقتى

قاڭتاردىڭ 5 ىنەن 6 سىنا قاراعان ءتۇنى سوتتالۋشى و. (مارقۇم) تاراز قالاسىندا قيراتۋ، بۇزۋ جانە قالالىق اكىمدىك عيماراتىنىڭ مۇلكىن جويۋعا ۇلاسقان جاپپاي تارتىپسىزدىككە قاتىسقان.

سونداي-اق اسكەري قىزمەتشىلەردىڭ ومىرىنە قول سۇعۋ ماقساتىندا و. ولاردىڭ عيماراتتان كەتۋىن تالاپ ەتىپ، اكىمدىكپەن بىرگە ورتەپ جىبەرەمىن دەپ قورقىتقان.

و-نىڭ كىناسى ءىس اياسىنداعى ايعاقتارمەن دالەلدەندى.

اتاپ ايتقاندا، كۋالار ك.، ا.، ج-نىڭ ايعاقتارى، سوت-مەديتسينالىق، سوت-بيولوگيالىق، سوت- مەديتسينا- كريميناليستيكالىق، سوت- بالليستيكالىق ساراپتاما قورىتىندىسى، سونداي-اق فوتوسۋرەت بويىنشا تانۋ حاتتاماسى مەن ءىستىڭ باسقا دا ماتەريالدارى بار.

پروكۋرور سوتتالۋشى و-نى قايتىس بولۋىنا بايلانىستى جازا تاعايىنداماي، جاپپاي تارتىپسىزدىككە قاتىسقانى ءۇشىن (ق ر ق ك 272-ب. 2-ب. ) كىنالى دەپ تانۋدى سۇرادى.

سوتتالۋشىنىڭ وكىلى - ب. ءىس بويىنشا جينالعان دالەلدەمەلەرگە داۋ ايتا وتىرىپ، و-عا تاعىلعان ايىپتى مويىنداماي، ءىستى ءمانى بويىنشا قاراۋدى سۇرادى.

جوعارعى سوتتىڭ 2018 -جىلعى 20-ساۋىردەگى №4-«سوت ۇكىمى تۋرالى» نورماتيۆتىك قاۋلىسىنىڭ 10-تارماعىنا سايكەس، قايتىس بولعان ادامدى وڭالتۋ ءۇشىن تاراپتاردىڭ قولداۋحاتى بولعان كەزدە ءىس بويىنشا پروتسەسس جالعاسادى جانە وعان نەگىز بولعان كەزدە اياقتالىپ، قايتىس بولعان ادامعا ايىپتاۋ ۇكىمى قاۋلى ەتىلەدى.

سونداي-اق ۇكىمنىڭ قارار بولىگىندە جازا تاعايىندالماي، ونى قىلمىستىق زاڭنىڭ ءتيىستى بابى بويىنشا كىنالى دەپ تانۋ تۋرالى قورىتىندى تۇجىرىم جاسالادى.

سوت و-نىڭ كىناسىن زەردەلەنگەن دالەلدەمەلەرمەن دالەلدەنگەن دەپ تانىدى.

سوت ۇكىمىمەن و. قايتىس بولۋىنا بايلانىستى جازا تاعايىندالماي، جاپپاي تارتىپسىزدىككە قاتىسقانى (ق ر ق ك 272-ب. 2-ب. ) ءۇشىن كىنالى دەپ تانىلدى.

ۇكىم زاڭدى كۇشىنە ەنگەن جوق.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى