جەلتوقسان ايىندا اۋا رايى قانداي بولادى
تاياۋ كۇندەرى قازاقستان اۋماعىنىڭ باسىم بولىگىندە اۋا رايىنىڭ قۇبىلمالى سيپاتى ارتىپ، قار، جاياۋ بۇرقاسىن بولىپ، جەلدىڭ جىلدامدىعى15-25 م/س دەيىن جەتەدى. ەلىمىزدىڭ وڭتۇستىك، وڭتۇستىك- شىعىسىنداعى تاۋلى اۋداندارىندا قاتتى قار، تۇمان، كوكتايعاق كۇتىلەدى. رەسپۋبليكانىڭ باتىسى مەن قيىر سولتۇستىگىندە اۋا- رايى جاۋىن- شاشىنسىز بولادى.
سودان كەيىن سالەحارد اۋداندارىنان اركتيكالىق سۋىقتىڭ تاعى ءبىر بولىگىمەن اۋا تەمپەراتۋراسى تومەندەيدى:
- ەلىمىزدىڭ باتىسىندا تۇندە -13-23°C دەيىن، كۇندىز -5-15°C دەيىن؛
- سولتۇستىكتە جانە ورتالىقتا تۇندە -25-33°C دەيىن، كۇندىز -12-25°C دەيىن؛
- شىعىستا تۇندە -25-37°C دەيىن، كۇندىز -17-23°C دەيىن؛
- وڭتۇستىكتە جانە وڭتۇستىك- شىعىستا تۇندە -10-22°C دەيىن، كۇندىز -3-13°C دەيىن سۋىتادى.
ءبىرىنشى ونكۇندىكتىڭ سوڭىندا سكانديناۆيا اۋداندارىنان سيكلون تۇراقسىز اۋا رايىن تۋدىرادى، ق ر سولتۇستىك- باتىس وڭىرلەرىندە، ايازدىڭ باسەڭدەۋىنە اكەلەدى.
بولجام بويىنشا 2022 -جىلعى جەلتوقساننىڭ ەكىنشى جانە ءۇشىنشى ونكۇندىكتەرىندە قازاقستاننىڭ باسىم بولىگىندە اۋا رايىنىڭ ءجيى وزگەرۋى كۇتىلەدى، ايازدى كۇندەر جىلى كۇندەرمەن الماسىپ وتىرادى.
سونىمەن قاردى بۇرقاسىن بولادى. ال ەلدىڭ وڭتۇستىك جارتىسىندا جاۋىن- شاشىن كوبىنە جاڭبىر جانە جىلبىسقى قار تۇرىندە بولادى دەپ بولجانادى. سونداي- اق كوكتايعاق قۇبىلىستارى مەن تۇمان ءجيى بايقالادى.
ءبىر اي ىشىندە سيكلوندىق بەلسەندىلىكتىڭ اسەرىنەن بىرنەشە قارقىندى جىلۋ تولقىندارى كۇتىلەدى، ال سولتۇستىك- باتىس انتيتسيكلونداردىڭ ەنۋى كەزىندە بىرنەشە سۋىق تولقىندار بولجانادى. وسىلايشا، جەلتوقسان ايىندا اۋا تەمپەراتۋراسىنىڭ اۋىتقۋى ءجيى بايقالۋى كۇتىلەدى:
ق ر سولتۇستىك جارتىسىندا تۇندە -25-35°C - تان -5-13°C - قا دەيىن، كۇندىز -15-25°C - تان 0 -5°C- قا دەيىن.
ق ر وڭتۇستىك جارتىسىندا تۇندە -17-23°C - تان -5+2°C - قا دەيىن، كۇندىز -5-10°C - تان +3+10°C - قا دەيىن.
جالپى، بولجام بويىنشا جەلتوقسان ايىندا رەسپۋبليكانىڭ باسىم بولىگىندە ورتاشا ايلىق اۋا تەمپەراتۋراسى نورما شاماسىندا، رەسپۋبليكانىڭ قىير باتىسىندا، سولتۇستىگىندە نورمادان 1° جوعارى بولادى دەپ كۇتىلۋدە.
جەلتوقسان ايىندا جاۋىن- شاشىن مولشەرى رەسپۋبليكانىڭ باسىم بولىگىندە - نورمادان كوپ، ەلىمىزدىڭ شىعىس بولىگىنىڭ باسىم ايماعىندا، ورتالىقتا، وڭتۇستىكتە، وڭتۇستىك- شىعىستا نورما شاماسىندا بولماق.
