اجار عينيات قاتە ۆاكسينا سالىنعان بالالاردىڭ اتا-انالارىمەن كەزدەستى

ولاردىڭ اتا-انالارىنىڭ ءوتىنىشىن تىڭدادى، دەپ حابارلايدى قازاقپارات ءتىلشىسى.

اقتوبە وبلىسىنا جۇمىس ساپارىمەن كەلگەن مينيستر اجار عينيات مارتوك اۋدانىنا بارىپ، مەديتسينا قىزمەتكەرلەرىمەن كەزدەستى. كەيىن وبلىس ورتالىعىندا جۋرناليستەردىڭ سۇراعىنا جاۋاپ بەردى.

«مانتۋ ورنىنا ب س ج ۆاكسيناسىن قابىلداعان بالالاردى قاراپ شىقتىم. ولاردىڭ اتا-انالارىمەن كەزدەستىم. قازىرگى كەزدە قانداي دا ءبىر كەرى اسەرى بولمادى. بالالار بۇگىنگە دەيىن تەك جەرگىلىكتى عانا ەمەس، رەسپۋبليكاداعى بىلىكتى مامانداردىڭ باقىلاۋىندا بولدى. ءبارىن ءوزىم قاداعالاپ وتىردىم. كۇن سايىن ولاردىڭ جاعدايى تۋرالى اقپارات الدىم. ماماندارمەن بىرگە ولاردىڭ ءحالىن ءبىلىپ وتىردىق، باقىلادىق. جۇمىس ءارى قاراي جالعاسادى. اتا-انالارى بالالاردى باقىلاپ، وڭالتۋ شاراسىن جۇرگىزۋدى سۇرادى. ءبىز ونى قولدايمىز، شيپاجايعا جىبەرەمىز. ال جەكە كلينيكاعا كەلەر بولساق، كوميسسيا سانيتاريالىق نورمانىڭ بۇزىلعانىن انىقتادى»، - دەدى مينيستر اجار عينيات.

قازىرگى كەزدە كوميسسيا قورىتىندىسى قۇقىق قورعاۋ ورگاندارىندا جىبەرىلدى. تەرگەۋ ءجۇرىپ جاتىر. ال بالالاردى ەندى قالالىق ەمحانا قارايدى.

ەسكە سالساق، اقتوبەدە جەكە ەمحانا مەيىربيكەسى بالالارعا مانتۋ سىناماسىنىڭ ورنىنا ب س ج ۆاكسيناسىن بەردى. ولاردىڭ بىلەگى ءىرىڭدى جاراعا اينالىپ، اتا-انالارى دابىل قاققان بولاتىن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى