حالىقارالىق ءان بايقاۋىندا قازاقستان نامىسىن قورعايتىن بولادى ءانشى بەلگىلى بولدى
Junior Eurovision 2022 حالىقارالىق ءان بايقاۋىنىڭ گراند- فينالى 11-جەلتوقسان كۇنى ارمەنيا استاناسى ەريەۆان قالاسىندا وتەدى. ونەر بايگەسىندە قازاقستان نامىسىن بيىل «Baqytty Bala-2022» IV حالىقارالىق بايقاۋىنىڭ فيناليسى داۆيد چارلين قورعايدى. قازاقستاندىقتار تىكەلەي ەفيردى 11-جەلتوقسان، ساعات 21:00 دە «حابار» تەلەارناسىنان تاماشالاي الادى.
داۆيد چارلين جوبا ءۇشىن ارنايى جازىلعان «جەر- انا» اتتى كومپوزيتسيانى ورىندايدى.
ايتا كەتەيىك، قازاقستان Junior Eurovision الەمدىك ءان دوداسىنا وسىمەن بەسىنشى مارتە قاتىسادى. بۇل جولى ەلىمىزدەن باسقا ەۋروپالىق 15 مەملەكەتتىڭ جاس انشىلەرى باق سىنايدى.
بايقاۋ ناتيجەسى ۇلتتىق ءجيۋريدىڭ باعالاۋى جانە ورتالىقتاندىرىلعان عالامدىق ونلاين- داۋىس بەرۋ (كورەرمەننىڭ) قورىتىندىسى بويىنشا شىعارىلادى. قازاقستاندىق ونەرپازدار ۇلتتىق جيۋريدەن ەڭ جوعارعى باعا العانىمەن، ونلاين- داۋىس بەرۋدەگى بەلسەندىلىكتىڭ تومەندىگىنەن باس جۇلدەنى يەلەنە الماي كەلەدى. ماسەلەن، 2019-2020 -جىلدارى ەرجان ماكسيم مەن قاراقات باشانوۆانىڭ ەلىمىزگە جەڭىس سىيلاۋىنا ونلاين تۇردە بەرىلەتىن ساناۋلى عانا داۋىس جەتپەي قالعان بولاتىن. سوندىقتان ۇيىمداستىرۋشىلار وتاندىق ونەرپازىمىزعا ونلاين- داۋىس بەرۋدە بەلسەندى بولۋعا شاقىرادى.
داۆيد چارلينگە داۋىس بەرۋ ءۇشىن: https://junioreurovision.tv/ نەمەسە https://jesc.tv/ سىلتەمەلەرى ارقىلى سايتقا كىرۋ؛ تىزىمنەن داۆيد ءچارليندى تاڭداۋ؛ «داۋىس بەرۋ» باتىرماسىن باسۋ.
داۋىس بەرۋدىڭ العاشقى كەزەڭى استانا ۋاقىتى بويىنشا 10-جەلتوقسان كۇنى ساعات 01:00 دەن باستالىپ، 11-جەلتوقسان كۇنى ساعات 20:59 دا اياقتالادى. ەكىنشى كەزەڭدە داۋىس بەرۋ استانا ۋاقىتىمەن 11-جەلتوقسان كۇنى بارلىق قاتىسۋشىلار ونەر كورسەتىپ بولعاننان كەيىن 15 مينۋتقا عانا قايتا جالعاسادى.
ەسكە سالساق، 2018 -جىلى بۇل بايقاۋعا قازاقستان اتىنان العاش بولىپ جاس ءانشى دانەليا تۋلەشوۆا قاتىسىپ، 6-ورىن يەلەنگەن بولاتىن. 2019 -جىلى جالپى داۋىس بەرۋ ناتيجەسىندە ەرجان ماكسيم 2-جۇلدەلى ورىنعا يە بولدى. 2020 -جىلى قاراقات باشانوۆا دا 2-ورىنعا تابان تىرەدى. بىلتىر قازاقستاننان بەكنۇر جانىبەك ۇلى مەن ءالينۇر حامزين قاتىسىپ، 19 ەلدىڭ ىشىنەن 8-ورىنعا تۇراقتاعان بولاتىن.
