ەلگە ورالۋ قاشاندا قۋانىش - ەلەنا رىباكينا الماتىعا كەلدى
قازاقستان تەننيس فەدەراتسياسىنان ءمالىم ەتكەنىندەي، سپورتشى جۋرناليستەرمەن وتكەن باسپا ءسوز ءماسليحاتىندا ۋيمبلدونداعى تابىسى، سونداي- اق جاڭا ماۋسىمداعى وي- جوسپارىمەن ءبولىستى.
«ەڭ الدىمەن مەنى جىلى قابىلداعانىڭىز ءۇشىن العىسىمدى ايتامىن. ۋيمبلدونداعى جەڭىستەن كەيىن استاناعا ۇشىپ كەلىپ، جانكۇيەرلەرىممەن كەزدەستىم. استانادان كەيىن الماتىعا كەلۋىم كەرەك ەدى. ءبىراق ءوزىمدى جايسىز سەزىنگەندىكتەن، ساپارىمدى كەيىنگە قالدىردىم. مىنە، سونىڭ ءساتى ەندى تۋىپ وتىر. وسىندا سىزدەرمەن اڭگىمە دۇكەن قۇرىپ، جاس تەننيسشىلەرمەن شەبەرلىك ساعاتىن وتكىزۋگە مۇمكىندىڭ العانىما قۋانىشتىمىن»، دەدى ە. رىباكينا.
ەلەنا رىباكينا جەلتوقسان ايىنىڭ ورتاسىندا ءابۋ- دابيدە وتەتىن كورمە- جارىسقا قاتىساتىنىن، سوسىن دۋبايدا جاڭا ماۋسىمعا دايىندالاتىنىن جەتكىزدى. قازاقستاننىڭ ءبىرىنشى راكەتكاسىنىڭ جاڭا جىلداعى العاشقى جارىسى اۋستراليانىڭ اشىق چەمپيوناتى بولماق.
باسپاءسوز ءماسليحاتىنان كەيىن تەننيس ورتالىعىنىڭ تاربيەلەنۋشىلەرى اتاقتى سپورتشىمەن كورتقا شىقتى. ەلەنا بالالارمەن بىرگە جاتتىعىپ، شەبەرلىكتەرىن ارتتىرۋ باعىتىندا اقىل- كەڭەسىن ايتىپ، سۇراقتارىنا جاۋاپ بەردى.
ەسكە سالا كەتەيىك، بۇدان بۇرىن ميحايل كۋكۋشكيننىڭ الەمدەگى ۇزدىك 200 تەننيسشىنىڭ قاتارىنا قايتا كىرگەنىن جازعان بولاتىنبىز.
