ەلوردادا قىلمىس سانى ازايدى - پوليتسيا دەپارتامەنتى
بۇل تۋرالى استانا قالالىق پوليتسيا دەپارتامەنتى باستىعىنىڭ ورىنباسارى عوسمان جاكين ايتتى، دەپ حابارلايدى قازاقپارات ءتىلشىسى.
«10 مىڭ تۇرعىنعا شاققانداعى قىلمىس دەڭگەيى 139 دان 136 قىلمىسقا دەيىن ازايدى. زورلاۋ، توناۋ، قاراقشىلىق، بۇزاقىلىق قىلمىستارىنىڭ سانى تومەندەدى. دەنساۋلىققا اۋىر زيان كەلتىرۋ، زورلاۋ، توناۋ، ينتەرنەت-الاياقتىق، توناۋ سىندى قىلمىستاردى اشۋ كورسەتكىشى جاقساردى. 188 ەسىرتكى قىلمىسى انىقتالدى. ونىڭ ىشىندە ەسىرتكىنى ساتۋدىڭ 142 فاكتىسى بار»، - دەدى ول استانا اكىمدىگى جانىنداعى قوعامدىق كەڭەس وتىرىسىندا.
ونىڭ دەرەگىنشە، زاڭسىز اينالىمنان 254 كەلى ءارتۇرلى ەسىرتكى زاتى الىندى. ەسىرتكى دايىنداۋمەن اينالىسقان 6 زەرتحانا جويىلىپ، ونى جارنامالايتىن 69 سايت بۇعاتتالدى.
«ەلورداعا ەسىرتكى جەتكىزۋدىڭ تۇراقتى ارناسى جويىلىپ، قالا اۋماعىنا ونى جەتكىزۋدى جانە ساتۋدى جۇزەگە اسىرعان ۇيىمداسقان قىلمىستىق توپتىڭ ارەكەتىنە توقساۋىل قويىلدى. قىلمىستىق توپتىڭ ۇيىمداستىرۋشىسى جانە 5 مۇشەسى ۇستالدى. 37 كەلىدەن استام گاشيش تاركىلەندى»، - دەدى عوسمان جاكين.
