اپاتتان كەيىن ەكىباستۇزدى جىلۋمەن قامتۋ قالاي جۇرگىزىلەدى
بۇل تۋرالى پاۆلودار وبلىسى اكىمىنىڭ مىندەتىن اتقارۋشى ءابىلقايىر سقاقوۆ ايتتى، دەپ حابارلايدى قازاقپارات ءتىلشىسى.
«ارينە، ءساۋىر ايىنا دەيىن واەك باس كومپانياسى مەن «ەكىباستۇز جىلۋ ەنەرگياسى» ەنشىلەس كومپانياسى جىلۋ رەجيمىن تولىق قامتاماسىز ەتەتىن بولادى. سونىمەن قاتار، ءبىز بۇكىل جىلۋمەن جابدىقتاۋ جۇيەسىنىڭ جاي-كۇيىنە تەحنيكالىق اۋديت جۇرگىزەمىز، بۇل كوكتەم-جاز كەزەڭىندە ەڭ ءالسىز ۋچاسكەلەردە كومپانيا ءتيىستى جوندەۋ جۇمىسىن بارىنشا باسىم تارتىپپەن جۇرگىزۋى ءۇشىن قاجەت. ءبىراق بۇل جەردە بولجام جاساۋ قيىن ەكەنىن ءتۇسىنۋىمىز كەرەك. سوندىقتان ينۆەستيتسيانىڭ ورنىنا ۇزاق مەرزىمدى تاريف باعدارلاماسى بولۋى كەرەك، سودان كەيىن پايدالانۋ جۇيەسى قايتا قارالۋى كەرەك، ول ءۇشىن قازىر تەحنيكالىق قاداعالاۋ كوميتەتى مەن تاۋەلسىز ساراپشىلار قورىتىندى جاساپ جاتىر»، - دەدى ءا. سقاقوۆ ەكىباستۇزدا وتكەن باسپا ءسوز كونفەرەنتسياسىندا.
بۇعان دەيىن پرەمەر-ءمينيستردىڭ ورىنباسارى سەرىك جۇمانعارين كەشكە دەيىن بارلىق كوپقاباتتى ۇيلەرگە جىلۋ بەرىلەتىنىن ايتقان ەدى.
سونداي-اق، ەكىباستۇزدا تاراتىلعان ەلەكتر جىلىتقىشتار تۇرعىنداردىڭ مەنشىگىندە قالادى.
