ءى ءى م استاناداعى زاڭسىز شەرۋ تۋرالى: ولار اقورداعا بەتتەمەك بولدى

«زاڭسىز شەرۋ بولدى. پوليتسيا قىزمەتكەرلەرى ونىڭ جولىن كەستى»، - دەدى ول ءماجىلىس كۋلۋارىندا.

ايتۋىنشا، شەرۋ كەزىندە 18 ادام ۇستالىپ، اكىمشىلىك جاۋاپقا تارتىلعان.

«ول شارادا 300 دەي ادام بولدى. 1,5 ساعاتتان كەيىن اقورداعا قاراي بەتتەۋ تۋرالى ۇندەۋ تاستالدى. ولار كوشەگە شىقتى جانە ولاردىڭ ارەكەتتەرىندە ميتينگىنىڭ بەلگىلەرى بار. ويتكەنى، داۋىس زورايتقىشتار بولدى، ۇندەۋلەر ايتىلدى. اقورداعا قاراي بەتتەدى. سوندىقتان، ءبىز ولاردىڭ جولىن كەسىپ، توقتاتۋعا ءماجبۇر بولدىق. ۇيىمداستىرۋشى ۇستالىپ، 15 تاۋلىكتىك اكىمشىلىك جاۋاپقا تارتىلدى. ءبىز ولاردىڭ قانداي تالاپ قوياتىنىن كۇتىپ تۇرا المادىق. ويتكەنى، زاڭسىز شەرۋدىڭ ءوزى - اكىمشىلىك قۇقىق بۇزۋشىلىق»، - دەدى يگور لەپەحا.

بۇعان دەيىن ەلوردا پوليتسياسى قالادا بولعان ميتينگىگە قاتىستى جاعدايدى تۇسىندىرگەن ەدى.

سونداي-اق، پوليتسيا م. ابيەۆكە قاتىستى اكىمشىلىك قۇقىق بۇزۋشىلىق تۋرالى ەكى حاتتاما تولتىرعانى حابارلاندى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى