سەمەيدە جاستار ايازدا كوشە تازالاپ جۇرگەن جۇمىسشىلارعا ىستىق شاي مەن باۋىرساق تاراتتى
قازىر اباي وبلىسىندا قاتتى اياز بولىپ تۇر. ونىڭ ىشىندە سەمەيدە اۋا تەمپەراتۋراسى 35 گرادۋسقا دەيىن تومەندەگەن. وسىعان وراي شاكارىم اتىنداعى ۋنيۆەرسيتەتتىڭ جاستارى «شاكارىم شاپاعاتى» اكسياسىن وتكىزدى. سونىڭ اياسىندا ايازدا كوشە تازالاپ جۇرگەن جۇمىسشىلارعا ىستىق شاي مەن باۋىرساق تاراتىلدى.
«ايازدا ەڭبەك ەتىپ جۇرگەن كوشە بويىنداعى تەحنيكالىق قىزمەتكەرلەردىڭ ەڭبەگىن جوعارى باعالايمىز. سەبەبى كۇننىڭ سۋىعىنا قاراماستان جۇمىسىنا ادال ازاماتتار ءارقاشان جاستارعا ۇلگى»، - دەيدى جوعارعى وقۋ ورنىنىڭ ستۋدەنتتىك پارلامەنت سپيكەرى مەرەي سىرىم ۇلى.
ونىڭ ايتۋىنشا، اكسيا الداعى ۋاقىتتا دا ءوز جالعاسىن تابادى.
