ەرەۋىلگە شىققان قازفوسفات جۇمىسشىلارىنىڭ تالاپتارى ورىندالاتىن بولدى
جەرگىلىكتى اكىمدىكتىڭ ەڭبەك ينسپەكتسياسى باسقارماسىنىڭ مالىمەتىنشە، جيىنداردا جۇمىسشىلار تاراپىنان ەڭبەك قاتىناستارى بويىنشا 14 ماسەلە كوتەرىلگەن. ولاردىڭ قاتارىندا: ءىس- قاعازداردى قازاق تىلىندە جۇرگىزۋ، ايلىقتى كوتەرۋ، ەمدەۋ، ساۋىقتىرۋعا قاراجات قاراستىرۋ، سەحتارداعى زياندى جۇمىستار بويىنشا تەڭسىزدىكتى قاراستىرۋ، ارنايى جۇمىس كيىمدى مەرزىمىندە اۋىستىرۋ جانە ساپاسىن جوعارىلاتۋ، جۇمىسشىلاردى تاسىمالداۋ ورىندارىن ۇلعايتۋ، جاقسى ءارى سىيىمدى كولىكتەرمەن قامتۋ جانە تاعى باسقا ساۋالدار قارالدى.
«قۇرىلعان ارنايى توپ پەن ج ش س اكىمشىلىگى جۇرگىزگەن جان- جاقتى جۇمىس ناتيجەسىندە ماسەلەلەر وڭىنان شەشىلۋدە. ايتا كەتەرلىگى، بۇل ماسەلەلەر بۇعان دەيىن دە كومپانيا باسشىلىعىنىڭ نازارىنا الىنىپ، ورىندالۋى جوسپاردا بولعان. قابىلدانعان شارالارعا سايكەس جۇمىسشالاردىڭ قاجەتتى ماتەريالدارىن قالاعان تىلىندە بەرۋ ماسەلەسى قاتاڭ باقىلاۋعا الىناتىن بولادى. سونداي- اق، «كازفوسفات» ج ش س قىزمەتكەرلەرىنىڭ ايلىق جالاقىسى 2021 -جىلدىڭ 1- قاڭتارىنان باستاپ % 10- عا، 1- شىلدەسىنەن باستاپ % 15- عا كوتەرىلىپ (ورتاشا 216,5 مىڭ تەڭگە)، 2022 -جىلدىڭ 1- قاڭتارىنان باستاپ تاعى دا % 10- عا جانە 1- شىلدەدە % 10- عا كوتەرىلگەن. بۇگىنگى كۇنگە ورتاشا ايلىق كولەمى 255,9 مىڭ تەڭگەنى قۇرايدى»، - دەپ جازدى ۆەدومستۆودان.
سونىمەن قاتار، جەلتوقسان ايىندا 13 ايلىق جالاقى (%100 كولەمىندە) بارلىق قىزمەتكەرلەرگە بەرىلەدى. ايتا كەتەيىك، 2021 -جىلدىڭ 13- ايلىعى 2022 -جىلدىڭ قاڭتار ايىندا بەرىلگەن.
«ەندىگى كەزەكتە، 2023 -جىلدىڭ 1- قاڭتارىنان باستاپ ج ش س قىزمەتكەرلەرىنىڭ جالاقىسى 50 مىڭ تەڭگەگە، 1- شىلدەسىنەن باستاپ 30 مىڭ تەڭگەگە كوتەرىلەدى جانە 2024 -جىلدان باستاپ شىنايى ينفلياتسيا قۇنىن ەسكەرە وتىرىپ، جالاقىعا قوسىمشا جىل سايىن قوسىلىپ وتىراتىن بولادى.
بۇدان بولەك، كومپانيا قىزمەتكەرلەرىن ەمدەۋ، ساۋىقتىرۋعا جىبەرۋ بويىنشا كەلەسى جىلدان باستاپ 4 ساناتوريمەن كەلىسىم- شارت جاسالادى. ج ش س- ءنىڭ «كوكتال» ساناتوريىنە قوسىمشا 5 ساناتوري ۇسىنىلادى»، - دەلىنگەن حابارلامادا.
قازىرگى تاڭدا «كازفوسفات» ج ش س- ءنىڭ سەحتارىندا زياندى جۇمىستارى بويىنشا وتەماقى تولەنىپ كەلەدى. 2023 -جىلدان باستاپ ج ش س بارلىق وندىرىسىتىك سەحتارى قايتا اككرەديتاتسيادان ءوتىپ، زاڭناما تالاپتارىنا سايكەس جۇمىسشىلارعا زياندى جۇمىس جاعدايى بويىنشا وتەماقى جاڭادان بەكىتىلەدى.
«كازفوسفات» ج ش س قىزمەتكەرلەرى تولىعىمەن كاسىبي جۇمىس كيىم جانە اياق كيىممەن (سپەتسفورما) قامتىلعان دەسەك، الداعى ۋاقىتتا سول كاسىبي جۇمىس كيىمىنىڭ ساپاسى قايتا قارالىپ، پايدالانۋى ءبىر مەرزىمدىك مەزگىلدە اۋىستىرىلاتىن بولادى. سول سەكىلدى، «كازفوسفات» ج ش س جۇمىسشىلارىن تاسىمالدايتىن اۆتوپاركتەرمەن كەلىسىم شارت جاسالعان. 2023 -جىلدىڭ قاڭتار ايىنان قوسىمشا جاڭا اۆتوبۋستارمەن جۇمىسشىلاردى تاسىمالداۋ ماسەلەسى شەشىلەتىن بولادى. جىل سوڭىنا دەيىن جۇمىسشىلاردى زاۋىتقا الىپ كەتەتىن قوسىمشا ايالدامالار مارشرۋتتارعا قوسىلادى»، - دەپ مالىمدەدى ينسپەكتسيادان.
وسى جانە باسقا دا نازارعا الىنعان بارلىق ماسەلەلەر جەدەل ءارى كەزەڭ- كەزىڭىمەن شەشۋ بويىنشا شارالار قابىلدانۋدا. باسقا دا وزەكتى پروبلەمالار كومپانيا باسشىلىعىنىڭ ءجىتى باقىلاۋىندا.
اۆتور
اسحات رايقۇل
