الەكساندر ماشكەيەۆيچتىڭ كومپانياسى مەديارەسۋرسقا يەلىك ەتۋدەن كەتەدى

«ءبىز قازىر بۇل ماسەلەنى تالقىلاپ جاتىرمىز. قازىر ۇجىممەن كەلىسسوز جۇرگىزىپ جاتىرمىز. ءبىز كەتىپ جاتىرمىز، ERG كومپانياسى مەديارەسۋرستارعا يەلىك ەتۋدەن كەتەدى. ويتكەنى، اركىم ءوز ىسىمەن اينالىسۋ كەرەك دەپ ويلايمىن. ياعني، تاۋ- كەن ءوندىرۋشى تاۋ- كەن بيزنەسىمەن اينالىسۋى كەرەك. مەدياحولدينگتەر - ءوز الدىنا بولەك بيزنەس. بۇل - دەربەس ساراپتاما، دەربەس ءبىلىم، بولەك ادامدار. بىزگە ءوز بيزنەسىمىزگە، تاۋ- كەن- مەتاللۋرگيا قىزمەتىنە كوبىرەك باعدارلانۋ كەرەك دەپ ويلايمىن»، - دەدى كاسىپكەر ق ر پرەزيدەنتىن ۇلىقتاۋ شاراسىنان كەيىن ب ا ق وكىلدەىرنە بەرگەن سۇحباتىندا.

سونداي- اق، ول كومپانياعا قاراستى مەديارەسۋرستىڭ قىزمەتكەرلەرىنە تاعى ءبىر مۇمكىندىك بەرىلۋى دە ىقتيمال ەكەنىن ايتتى.

«ال ونداعى قىزمەتكەرلەرگە كەلسەك، قازىر تالقىلاپ جاتىرمىز. بىلمەيمىن، بالكىم ولارعا جالعاستىرۋعا مۇمكىندىك بەرەتىن شىعارمىز. وزدەرىمەن سويلەسەمىز. ويتكەنى ءبىزدىڭ ويىمىزشا، «ەكسپرەسس ك» قازىر جەتەكشى، ماڭىزدى مەديارەسۋرستاردىڭ ءبىرى بولىپ ەسەپتەلەدى»، - دەدى الەكساندر ماشكەيەۆيچ.

ايتا كەتەيىك، بۇگىن استاناداعى تاۋەلسىزدىك سارايىندا قازاقستان پرەزيدەنتىنىڭ ۇلىقتاۋ ءراسىمى ءوتتى.

فوتو: erg.kz

اۆتور

ەسىمجان ناقتىباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى