رەفورمالاردى مىندەتتى تۇردە سوڭىنا دەيىن جەتكىزۋىمىز قاجەت - توقايەۆ
«بيىل حالقىمىز ءۇشىن ايرىقشا ماڭىزدى جىل بولدى. قازاقستان دامۋدىڭ جاڭا داۋىرىنە قادام باستى. ءبىز تۇبەگەيلى بەتبۇرىسقا جول اشقان اۋقىمدى وزگەرىستەر جاسادىق. كونستيتۋتسيالىق رەفورمانى جۇزەگە اسىردىق. مەملەكەتىمىزدىڭ ەڭ باستى سالالارىن جان-جاقتى جاڭعىرتتىق.
سونىڭ ارقاسىندا حالىقتىڭ بولاشاققا دەگەن ءۇمىتى ارتىپ، سەنىمى نىعايا ءتۇستى. مەن ايماقتاردى ارالاپ، تۇرعىندارمەن كەزدەسكەندە بۇعان ايقىن كوز جەتكىزدىم. سونداي-اق، وتكەن رەفەرەندۋم تىڭ باستامالاردى جۇرتىمىزدىڭ جاپپاي قولدايتىنىن كورسەتتى. حالىقتىڭ دۇرىس باعىتتاعى وزگەرىسكە ۇمتىلىسى جۇمىسقا زور سەرپىن بەردى»، - دەدى پرەزيدەنت.
سونداي-اق، ەلدە باستالعان رەفورمالار سوڭىنا دەيىن جەتەتىنىن اتاپ ءوتتى.
«ءبىز رەفورمالاردى سوڭىنا دەيىن مىندەتتى تۇردە جەتكىزۋىمىز قاجەت. كونستيتۋتسيانىڭ جاڭا تالابىنا سايكەس، بۇدان بىلاي پرەزيدەنت جەتى جىلدىق ءبىر مەرزىمگە عانا سايلانادى. وسىلايشا، ساياساتكەرلەردىڭ جاڭا بۋىنى بيلىك باسىنا كەلە باستايدى. مەن وسى شەشىمنىڭ دۇرىس بولعانىنا كامىل سەنەمىن»، - دەدى مەملەكەت باسشىسى.
