كازينوعا مول اقشا ۇتتىرعان شەنەۋنىكتەر ىشىندە قارجى مونيتورينگى اگەنتتىگىنىڭ وكىلدەرى دە بار
«قازان ايىندا 300 دەن استام مەمقىزمەتكەر كازينوعا 500 ميلليون تەڭگەدەن استام اقشا ۇتتىرعانى ايتىلعان ەدى. سولارعا قانداي شارا قولدانىلىپ جاتىر؟» دەپ سۇرادى ب ا ق وكىلى بريفينگىدە.
قارجى مونيتورينگى اگەنتتىگى كادرلىق جۇمىس دەپارتامەنتىنىڭ ديرەكتورى نۇرلان اداليەۆتىڭ ايتۋىنشا، اتالعان فاكتى بويىنشا ءتيىستى مەملەكەتتىك ورگاندار قىزمەتىتك تەرگەۋ جۇرگىزىپ جاتىر.
ولاردىڭ اراسىندا اگەنتتىك وكىلدەرى دە بار كورىنەدى.
«شىنىمەن دە اتالعان شولۋدا اگەنتتىكتىڭ ءبىرقاتار قىزمەتكەرى اتالدى. بۇكىل دەرەكتەر بويىنشا قىزمەتتىك تەرگەۋ جۇرگىزىلدى. ءتورت قىزمەتكەر ول جەردە قىزمەت بابىمەن جۇرگەن. زاڭدا ونداي ماسەلە كوزدەلگەنىن بىلەسىزدەر. ءبىز ءتيىستى تەرگەۋ جۇرگىزدىك. ەكى قىزمەتكەردىڭ فاكتىسى راستالدى. ولار قىزمەتكە تولىققاندى ساي كەلمەيتىنى تۋرالى ەسكەرتۋ تۇرىندە قاتاڭ اكىمشىلىك جاۋاپقا تارتىلدى»، - دەدى دەپارتامەنت ديرەكتورى.
ونىڭ ايتۋىنشا، اگەنتتىكتىڭ وسى ىستە اتى اتالعان وزگە قىزمەتكەرلەرى وقيعا كەزىندە ۆەدومستۆودا جۇمىس ىستەمەيتىن.
