ارىستانبەك مۇحامەدي ۇلىنا قاتىستى تىڭ دەرەك شىقتى
2022-جىلدىڭ 18- قاراشاسىندا استانا قالاسىنىڭ مامانداندىرىلعان اۋدانارالىق تەرگەۋ سوتى كۇدىكتى ارىستانبەك مۇحامەدي ۇلىنا قاتىستى بەلگىلەنگەن كۇزەتپەن ۇستاۋ تۇرىندەگى بۇلتارتپاۋ شاراسىنىڭ مەرزىمىن ءبىر ايعا ۇزارتتى، - دەپ حابارلادى استانا سوتىنىڭ باسپا ءسوز قىزمەتى.
وسىلايشا، ەكس-مينيستر جەلتوقساننىڭ اياعىنا دەيىن قاماۋدا بولادى.
2022-جىلدىڭ 28- مامىرىندا سوت سانكسياسىمەن ۇلتتىق مۋزەيدىڭ ديرەكتورى ارىستانبەك مۇحامەدي ۇلى قاماۋعا الىندى. ول بيۋجەت اقشاسىن جىمقىردى دەگەن كۇدىككە ءىلىندى.
ارىستانبەك مۇحامەدي ۇلى 2019-جىلدىڭ شىلدەسىندە مۋزەي ديرەكتورى بولدى. وعان دەيىن بەس جىل مادەنيەت جانە سپورت مينيسترلىگىن باسقارعان.
تامىزدا سىبايلاس جەمقورلىققا قارسى ءىس-قيمىل اگەنتتىگى ارىستانبەك مۇحامەدي ۇلىنا قاتىستى تەرگەلىپ جاتقان قىلمىستىق ىستەر بويىنشا مەملەكەتكە كەلتىرىلگەن شىعىن سوماسى 7 ميلليارد تەڭگەنى قۇراعانىن حابارلادى.
سىبايلاس جەمقورلىققا قارسى قىزمەت قازاقستان ۇلتتىق مۋزەيىنىڭ ديرەكتورى ارىستانبەك مۇحامەدي ۇلى مەن باسقا دا تۇلعالارعا قاتىستى بيۋجەت قاراجاتىن اسا ءىرى مولشەردە ۇرلاۋ جانە لاۋازىمدىق وكىلەتتىكتەردى تەرىس پايدالانۋ فاكتىلەرى بويىنشا تەرگەۋ جۇرگىزىپ جاتقانى حابارلاندى.
«تەرگەۋ «التىن ادامنىڭ الەم مۇراجايلارى بويىنشا شەرۋى» حالىقارالىق كورمەسىن وتكىزۋگە، سونداي-اق «قازاقستاننىڭ ۇلتتىق كيەلى نىساندارى مەن مۋزەي قورلارىن جالپى مەملەكەتتىك فوتوگراممەتريالىق 3D- سكانەرلەۋ» جانە «قازاقستان ۇلتتىق سيفرلىق كينوكوللەكتسياسىن سيفرلاندىرۋ» جوبالارىنا بولىنگەن بيۋجەت قاراجاتىن ۇرلاۋ فاكتىلەرى بويىنشا جۇرگىزىلىپ جاتىر»، - دەلىنگەن حابارلامادا.
مۇحامەدي ۇلىنىڭ مادەنيەت جانە سپورت ءمينيسترى لاۋازىمىندا بولعان كەزىندە تۋىستارىنىڭ جانە ۇلەستەس تۇلعالارىنىڭ مەنشىگىنە «سۋ جانە قولدانبالى سپورت تۇرلەرى بويىنشا رەسپۋبليكالىق جوعارى سپورت شەبەرلىگى مەكتەبى» ر م ق ك، «قازاق ەنتسيكلوپەدياسى» ا ق جانە «قازاق عىلىمي-زەرتتەۋ مادەنيەت ينستيتۋتى» ج ش س- نى زاڭسىز بەرۋگە قاتىستىلىعى تەكسەرىلىپ جاتىر.
«ايقىن»
