اق شاشتى جۇلسا، قاپتاپ كەتەتىنى راس پا؟
باسىمنان اق شاش كورىنبەسىنشى دەپ جۇلىپ تاستايمىز. بۇل دۇرىس پا؟ ساۋالعا تريحولوگ ايگۇل قوجايەۆا جاۋاپ بەردى.
ماماننىڭ ايتۋىنشا، اق شاشتى مۇلدە جۇلۋعا بولمايدى. ونىڭ بىرنەشە سەبەبى بار.
«شاشتى مۇلدە جۇلۋعا بولمايدى. شاش تالشىعى ءوسىپ شىعاتىن جاسۋشا - فولليكۋلدى زاقىمداۋى مۇمكىن. زاقىمدالعان قۇيقادان شاشتىڭ شىعۋى قيىندايدى. سودان شاش سيرەۋى مۇمكىن. اق شاشتى جۇلساڭ دا، سول اق شاش قايتا ءوسىپ شىعادى. قۇيقانىڭ زاقىمدالعان جەرىنە ينفەكسيا ءتۇسىپ كەتۋى عاجاپ ەمەس»، - دەيدى تريحولوگ.
ماماننىڭ ايتۋىنشا، اق شاشتى جۇلسا، ول قاپتاپ كەتەدى دەگەن شىندىققا جاناسپايدى.
«ءار شاشتىڭ ءوزىنىڭ ءوسىپ شىعار تالشىعى بار. شاشتىڭ ءوزى ەمەس اعارۋ وسى تالشىقتان، جاسۋشادان باستالادى. سوندىقتان شاشتى جۇلعانىمەن، ونىڭ ورنىنا ءبارىبىر سول شاش ءوسىپ شىعادى. ونىڭ تاراپ كەتۋى مۇمكىن ەمەس. شاشتىڭ اعارۋى - بۇل اعزادا بولاتىن ۇلكەن پروتسەسس. ءبىر شاشتى جۇلعاننان قاپتاپ كەتپەيدى»، - دەپ تۇسىندىرەدى مامان.
اق شاشتى كورسەتپەۋدىڭ وڭاي جولدارى - شاشتى بوياۋ، ۋلتاركۇلگىن ساۋلەمەن كەسۋ، مەزوتەراپيا، ءدارى-دارمەك قولدانۋ، دارۋمەندەر ءىشۋ.
massaget.kz
