قازاقستاندا قانداي ماماندىقتارعا سۇرانىس جوعارى جانە ولار قانشا جالاقى الادى

ءبىر جىل ىشىندە جۇمىس بەرۋشىلەر 300 مىڭعا جۋىق بوس جۇمىس ورنىن جاريالاعان، دەپ حابارلايدى قازاقپارات.

تالداۋ ناتيجەسىنە سايكەس، بوس جۇمىس ورىندارىنىڭ ىشىندە جالاقىسى 570 مىڭ تەڭگەدەن اسىپ كەتكەندەردىڭ سانى 10 پايىزدى قۇرادى.

ولاردىڭ 48 پايىزى ساتۋ مەنەدجەرلەرىنە ارنالعان بوس جۇمىس ورىندارى (الايدا، اي سايىنعى تابىس ءار ءتۇرلى بولۋى مۇمكىن، ويتكەنى بۇل ادەتتە پايىزدار مەن جوسپاردىڭ ورىندالۋىنا بايلانىستى)، 15 پايىز - ازىرلەۋشىلەر مەن باعدارلاماشىلارعا، 12 پايىز - قۇرىلىس جانە جىلجىمايتىن مۇلىك سالاسىنىڭ ماماندارىنا، 9 پايىز - توپ- مەنەدجمەنتتەرگە، 7 پايىز - كولىك قىزمەتكەرلەرى مەن لوگيستەرگە ارنالعان.

بوس جۇمىس ورىندارىنىڭ باسىم كوپشىلىگى الماتىدا - 46 پايىز. ودان ءارى استانا (29 پايىز)، قاراعاندى (4 پايىز)، شىمكەنت (3 پايىز) جانە اتىراۋ (2,5 پايىز) قالالارىندا.

كەيبىر جۇمىس بەرۋشىلەر مىقتى كانديداتتارعا ميلليونداپ تولەۋگە دايىن.

2022 -جىلعا ارنالعان ەڭ جوعارعى 5 ۇسىنىس:

1. استاناداعى التىن ءوندىرۋشى حولدينگتىڭ HR ديرەكتورى - 3,5 ميلليوننان 4,1 ميلليون تەڭگەگە دەيىن الادى. تالاپ ەتىلەتىن جۇمىس تاجىريبەسى 6 جىلدان استام.

2. اقتوبەدەگى ساتۋ ءبولىمىنىڭ باسشىسى سالىعىن الىپ تاستاعاندا 500 مىڭ تەڭگەدەن 5 ملن تەڭگەگە دەيىن الادى. قاجەتتى جۇمىس تاجىريبەسى 3-6 جىل.

3. استانادا PHP جەتەكشى ازىرلەۋشى، سالىق تولەگەنگە دەيىن 4400 دوللاردان باستاپ جالاقى الادى. قاجەتتى جۇمىس تاجىريبەسى 6 جىلدان استام.

4. الماتىدا حيرۋرگ-يمپلانتولوگ دارىگەردىڭ جالاقىسى، قولىنا 1,5 ميلليوننان 3 ميلليونعا دەيىن جەتەدى. قاجەتتى جۇمىس تاجىريبەسى 6 جىلدان استام.

5. الماتىداعى ەليتالى جىلجىمايتىن مۇلىك ساتۋ مامانى قولعا 500 مىڭنان 3 ميلليون تەڭگەگە دەيىن. قاجەتتى جۇمىس تاجىريبەسى 1-3 جىل.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى