دارىگەر نەگە تۇرەگەپ سۋ ىشۋگە بولمايتىنىن ايتتى
سۇيىقتىقتىڭ جەتكىلىكتى مولشەرى بولماسا اس قورىتۋ جۇيەسى بۇزىلادى، بۇيرەك پەن باۋىر جانە باسقا اعزالار زارداپ شەگەدى. كۇن سايىن قانشا سۇيىقتىق ىشەتىنىڭىز عانا ەمەس، ونى قالاي ءىشۋ دە ماڭىزدى.
سۋدى وتىرىپ ءىشۋ كەرەك
ءبىز سۋدى تۇرەگەپ تە ىشە بەرەمىز. ءبىراق دارىگەرلەر ونىڭ اعزا ءۇشىن زيان ەكەن ايتادى.
«سۋدى تاماق جەگەن سياقتى وتىرىپ ءىشۋ كەرەك. سۋدى تۇرىپ ءىشۋ اعزاداعى سۇيىقتىقتىڭ تەڭگەرىمسىزدىگىن تۋدىرادى، بۇل بۋىنداردا سۇيىقتىقتىڭ جينالۋىنا جانە ارتريتتىڭ دامۋىنا اكەلۋى مۇمكىن. وتىرعان كۇيدە جۇيكە جۇيەسى مەن بۇلشىقەتتەر بوسايدى، بۇل سۋ مەن تاعامدى اسسيميلياتسيالاۋ پروتسەسىن جەڭىلدەتەدى. سونىمەن قاتار، بۇل پوزيتسياداعى بۇيرەك تۇسەتىن سۇيىقتىقتى جاقسى سۇزەدى»، - دەيدى دارىگەر يرينا يۋزۋپ.
سۋدى تۇرىپ ىشسەڭىز نە بولادى؟
تۇرەگەپ سۋ ىشكەن كەزدە اس قورىتۋ جولدارىنىڭ جۇمىسى باياۋلايدى، دەپ اتاپ ءوتتى دارىگەر.
«سۇيىقتىق اسقازاندا ۇزاق تۇرمايدى، تىكەلەي ون ەكى ەلى ىشەككە تۇسەدى. وتىرعاندا ءىشۋ ادەتى اس قورىتۋدى، بۇيرەك پەن قۋىق جۇمىسىن جاقسارتۋعا كومەكتەسەدى»، - دەپ تۇسىندىرەدى يرينا يۋزۋپ.
سونداي-اق، ماماننىڭ ايتۋىنشا، سۋدىڭ اعزاعا بارىنشا پايدا اكەلۋ ءۇشىن ونى تاماقتان بۇرىن نەمەسە كەيىن ءىشۋ كەرەك. جانە ول بولمە تەمپەراتۋراسىندا بولعانى دۇرىس.
