الماتىدا ءبىر بولمەلى پاتەرگە قانشا جىل اقشا جيناۋ كەرەك؟

ءبىر بولمەلى پاتەرگە قانشا جىل اقشا جيناۋ كەرەك؟

سايت ساراپشىلارى ۇلتتىق ستاتيستيكا بيۋروسىنىڭ 2022 -جىلدىڭ Ⅲ توقسانىنداعى مالىمەتتەرىنە سۇيەنىپ، قالا تۇرعىندارىنىڭ ورتاشا جالاقىسىن ەسەپتەگەن. ال مىسال رەتىندە ءبىر بولمەلى پاتەر الىنعان. قارجى ماماندارى اي سايىن تاپقان تابىسىڭىزدىڭ 30 پايىزىن باسپانا سالۋعا جيناپ وتىرۋ كەرەگىن ايتادى.

زەرتتەي كەلە، سايت ساراپشىلارى ەڭ كوپ كورسەتكىش الماتىدا ەكەنىن انىقتاعان. تابىستىڭ 30 پايىزىن جيناۋ ارقىلى الماتىلىق تۇرعىن 19 جىل 7 ايدان كەيىن باسپانالى بولا الادى. بۇگىندە 35 شارشى مەتر ءبىر بولمەلى پاتەر قايتالاما نارىقتا ورتا ەسەپپەن 24 ميلليون تەڭگە تۇرادى. ال الماتىلىقتىڭ ورتاشا جالاقىسى 339,4 مىڭ تەڭگەدەي.

اقشا جيناۋدى ۇيرەنۋدىڭ جەڭىل جولدارى

ەكىنشى ورىندا - شىمكەنت تۇرعىندارى. بۇل ايماقتا ورتاشا جالاقى 230 مىڭ تەڭگە ەكەنىن ەسكەرسەك، شىمكەنتتىك تۇرعىن 18 جىل بويى اقشا جيناپ، باسپانالى بولا الادى.

ال پەتروپاۆلدا تۇراتىن ادام باسپانا ساتىپ الۋى ءۇشىن 15 جىل قاجەت. قالادا ورتاشا جالاقى 243 مىڭ تەڭگە، ال ءبىر بولمەلى پاتەرلەر شامامەن 13,2 ميلليون تەڭگە.

استانالىق تۇرعىن ءبىر بولمەلى پاتەر ساتىپ الۋى ءۇشىن 13 جىل 8 اي بويى اقشا جيناۋى قاجەت. وزگە ايماق تۇرعىندارى باسپانالى بولۋى ءۇشىن 7 جىل مەن 14 جىل ارالىعىندا اقشا جيناۋى كەرەك.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى