ايدوس ەربوسىن ۇلىنىڭ كومانداسى ونىڭ دەنساۋلىعىنا قاتىستى مالىمدەمە جاسادى

«ا ق ش- تاعى وكىلىمىزدىڭ سوزىنشە، بوكسشىمىزدىڭ دەنساۋلىعى ايتارلىقتاي جاقساردى، سونىڭ ىشىندە فيزيكالىق جاعدايى - ايدوس وزدىگىمەن اياعىن باسىپ، جۇرە الادى. سونداي- اق بوكسشىمىزدىڭ اقىل- ەسى جاقسى. ونىمەن قوسا، ايدوس دارىگەرلەردىڭ سۇراعىن ءتۇسىنىپ، ولارعا وپ- وڭاي جاۋاپ بەرىپ جاتىر. ماماندار مالىمەتىنە سايكەس، ايدوس تەز ساۋىعىپ كەلەدى.

وكىلىمىزدىڭ ايتۋىنشا، تاياۋ ۋاقىتتا بوكسشىمىز اۋرۋحانادان شىعارىلىپ، ول وتانىنا ورالۋى ىقتيمال.

سونداي- اق ا ق ش- قا ايدوستىڭ جۇبايى كەلدى. قازىر ول بوكسشىنىڭ جانىندا. ارينە، ول ءۇشىن بۇل ۇلكەن قولداۋ»، - دەپ ءمالىم ەتتى Suleimen Promotions كومپانياسىنان.

ەسكە سالايىق، قاراشا ايىنىڭ باسىندا قازاقستاندىق بوكسشى كۋبالىق داۆيد موررەلدەن نوكاۋتپەن جەڭىلگەن بولاتىن. سۋپەرورتا سالماق ساناتىنداعى جەكپە- جەك WBA- ءدىڭ «تۇراقتى» الەم چەمپيونى اتاعى ءۇشىن ءوتتى. ايقاستان كەيىن ا. ەربوسىن ۇلى شۇعىل تۇردە ميننەاپوليس قالاسىنداعى اۋرۋحانالاردىڭ بىرىنە جەتكىزىلدى. وعان «ميىنا قان كەتۋ» دياگنوزى قويىلدى. بۇدان ءارى ول جاساندى تۇردە كوماعا جىبەرىلىپ، وتا جاسالدى.

مەملەكەت باسشىسى قاسىم- جومارت توقايەۆ ايدوسقا قولداۋ ءبىلدىرىپ، تەزىرەك ساۋىعىپ كەتۋدى تىلەدى.

«كۋبالىق بوكسشىمەن جەكپە- جەگىڭىزدە بۇكىل قازاقستاندىق جانكۇيەر سىزگە تىلەكشى بولدى. باسەكە بولعان جەردە جەڭىس پەن بىرگە ساتسىزدىكتىڭ دە بولاتىنى زاڭدىلىق. ەڭ باستىسى - دەننىڭ ساۋلىعى. تەزىرەك ساۋىعىپ، ورتامىزعا ورالىپ، وتاندىق بوكستىڭ دامۋىنا ۇلەسىڭىزدى قوسا بەرەتىنىڭىزگە سەنىم بىلدىرەمىن»، - دەپ جازىلعان جەدەلحاتتا.

اۆتور

ميرا تولەندى قىزى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى