جاپونيادان جەڭىلگەن گەرمانيا فۋتبولشىلارى ماتچقا قاتىستى پىكىرىن ءبىلدىردى
قۇرامانىڭ قاقپاشىسى جانە كاپيتانى مانۋەل نويەر اتالعان ساتسىزدىك ورنىن الداعى ويىنداردا تولىقتىرۋعا تىرىساتىنىن جەتكىزدى.
«ءبىز كوپتەگەن مۇمكىندىكتى قۇر جىبەرىپ الدىق. ءبىز سوڭعى مينۋتتاردا قورعانىس شەبىندە دۇرىس ارەكەت جاساي المادىق.. .
بۇل مەن ءۇشىن ەڭ ماڭىزدى ويىن بولاتىن جانە ءبىز وندا جەڭىلىپ قالدىق. ەندى اسا اۋىر قارسىلاس - يسپانيامەن كەزدەسۋدە باسقا ويىن كورسەتۋىمىز قاجەت. وندا بار كۇشىمىزدى سالىپ، قابىلەتىمىزدى كورسەتۋگە تىرىسامىز»، - دەلىنگەن championat.com سايتىندا.
سونداي- اق قۇرامانىڭ جارتىلاي قورعاۋشىسى يلكاي گيۋندوگان گول سوعاتىن بىرنەشە مۇمكىندىك پايدالانىلماي قالعانىن اتاپ ءوتتى.
«ءبىز جاپونيا ماقساتىن تىم جەڭىلدەتىپ بەردىك. ەكىنشى گولدىڭ سوعىلاتىن رەتى جوق بولاتىن. نويەر قۇرامانى بىرنەشە گولدان ساقتاپ قالدى. بىزدە شابۋىلدا كوپتەگەن جاقسى مۇمكىندىكتەر بولدى، ءبىراق ەكىنشى گول اقىرى سوعىلماي قالدى. ويىندى قورعانىستان باستاي الماي قالدىق. سالدارىنان پاس بەرۋمەن ۇزاق ويناپ كەتتىك. بارلىق دەرلىك ويىنشى دوپتى العىسى كەلمەگەن سياقتى كورىندى. تىم كوپ قاتەلىكە بوي الدىردىق. الەم چەمپيوناتىندا وسىنشاما قاراپايىم گول بۇرىن- سوڭدى سوعىلماعان بولار»، - دەدى گيۋندوگان.
ەسكە سالايىق، كەشە قاتاردا فۋتبولدان 2022 -جىلعى الەم چەمپيوناتىنىڭ ءتورتىنشى ويىن كۇنى ءوتىپ، گەرمانيا قۇراماسى جاپونيادان جەڭىلىپ قالدى.
اۆتور
ءادىلجان ۇمبەت
