كوپبالالى وتباسىلارعا قانداي جەڭىلدىكتەر قاراستىرىلعان؟

اتالعان دارەجەدەگى جانۇيالارعا بۇعان قوسىمشا بىرنەشە جەڭىلدىكتەر قاراستىرىلعان. سولارعا توقتالىپ وتەيىك.

• «التىن القا»، «كۇمىس القا» القالارىمەن ماراپاتتالعان نەمەسە بۇرىن «باتىر انا» اتاعىن العان، سونداي-اق I جانە II دارەجەلى «انا داڭقى» وردەندەرىمەن ماراپاتتالعان كوپبالالى انالار، كوپبالالى وتباسىلار مەملەكەتتىك تۇرعىن ءۇي قورىنان تۇرعىن ءۇي نەمەسە جەكە تۇرعىن ءۇي قورىنان جەرگىلىكتى اتقارۋشى ورگان جالداعان تۇرعىن ءۇي الۋعا ءبىرىنشى كەزەكتەگى قۇقىق.

• «التىن القا» جانە «كۇمىس القا» القالارىمەن ماراپاتتالعان كوپبالالى انالار دا ءبىرقاتار سالىقتار مەن مەملەكەتتىك باجداردى تولەۋدەن بوساتىلادى:

• كولىك قۇرالدارى سالىعى («باتىر انا» اتاعىن العان نەمەسە «التىن القا» نەمەسە «كۇمىس القامەن» ماراپاتتالعان كوپبالالى انالار - سالىق سالۋ وبەكتىسى بولىپ تابىلاتىن ءارقايسىسى ءبىر كولىك قۇرالى)؛

• تۇرعىن ءۇي قورى ورنالاسقان جەر ۋچاسكەلەرىنە، ونىڭ ىشىندە وعان ىرگەلەس عيماراتتار مەن قۇرىلىستارعا سالىناتىن سالىق («باتىر انا» اتاعىن العان، «التىن القامەن» ماراپاتتالعان كوپبالالى انالار)؛

• جەكە مۇلىك سالىعى (ا ە ك 1000 ەسەلەنگەن شەگىندە «التىن القامەن» ماراپاتتالعان كوپبالالى انالار)؛

• زياتكەرلىك مەنشىك سالاسىنداعى ۋاكىلەتتى مەملەكەتتىك ورگاننىڭ زاڭدىق ماڭىزى بار ءىس-ارەكەتتەرى ءۇشىن مەملەكەتتىك باج سالىعى («باتىر انا» اتاعىن العان، «التىن القا»، «كۇمىس القامەن» ماراپاتتالعان كوپبالالى انالار).

• 5 جانە ودان دا كوپ بالا تۋعان، سونداي-اق 5 جانە ودان دا كوپ بالا اسىراپ العان جانە ولاردى 8 جاسقا دەيىن تاربيەلەگەن ايەلدەر 53 جاسقا تولعان كەزدە زەينەتاقى تولەمدەرىن الۋعا قۇقىلى.

ايتا كەتەيىك، ۇلتتىق ستاتيستيكا بيۋروسىنىڭ 2020-جىلعى مالىمەتى بويىنشا ەلىمىزدە 426,8 مىڭ بالا دۇنيەگە كەلگەن. ال 2021-جىلى جاڭا تۋعان نارەستەلەر سانى رەكوردتى جاڭارتىپ، بىردەن 446,5 مىڭ بالاعا جەتتى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى