دەپۋتات زەينەتاقى جيناعىن پايدالانۋ شەگىن تومەندەتۋدى ۇسىندى
«2013-جىلى ءبىرىڭعاي جيناقتىق زەينەتاقى قورى قۇرىلعان كەزدە ونىڭ قۇزىرىنا بۇكىل جەكەمەنشىك جيناقتاۋشى قورلاردىڭ شوتى بەرىلگەن بولاتىن. سول ارقىلى ءبىر جەرگە شوعىرلانعان زەينەتاقى جيناعىن باسقارۋ ءتيىمدى بولا تۇسەدى، ال ءبىر بولىگى ناقتى ەكونوميكاعا نەسيە رەتىندە باعىتتالادى دەپ كۇتىلگەن. 9 جىل وتكەننەن كەيىن ەكى ماقساتتىڭ دا ورىندالماعانىن وكىنىشپەن ايتىپ وتىرمىز. 2021-جىلعى قازان ايىندا ب ج ز ق- نىڭ 12 ايداعى كىرىستىلىگى %7,5 بولدى. ال ينفلياتسيا %18 دان اسىپ كەتتى. ياعني، شىنايى كىرىستىلىگى تەرىس ماندە. ناقتى ەكونوميكانى نەسيەلەۋ باعىتىن قاراساق، ب ج ز ق ۇزاق مەرزىمدى قارجىلاندىرۋ كوزى بولا المادى. زەينەتاقى جيناقتارى نەگىزىنەن مەملەكەتتىك وبليگاتسيالارعا، بانكتەر مەن حالىقارالىق قارجى ۇيىمدارىنىڭ باعالى قاعازدارىنا سالىنعان. بۇعان دەيىن دە جيناقتىق زەينەتاقى جۇيەسىنىڭ تيىمسىزدىگى ب ج ز ق- نىڭ نارىقتاعى مونوپولياسىنان بولىپ وتىرعانىن ايتقانمىن»، - دەدى ءماجىلىس وكىلى.
سونداي-اق، ول بجزق پرەزيدەنت تاپسىرماسىن ورىنداۋدا الدامشى ارەكەتكە بارىپ وتىر دەگەن پايىم ايتتى.
«ەڭ قىزىعى، ب ج ز ق پرەزيدەنت تاپسىرماسىن ءسوز جۇزىندە ورىنداعان بولىپ شىعادى. ياعني، زەينەتاقى اكتيۆتەرىن باسقارۋعا 4 باسقارۋشى كومپانيانى تارتقان. ولاردىڭ سەنىمگەرلىك باسقارۋىنا 9 ميلليارد تەڭگە بەرىلگەن. بۇل - كۇلكىلى سوما، بۇكىل زەينەتاقى جيناعىنىڭ %1 ىنا دا جەتپەيدى. ول كومپانيالاردىڭ قازىرگى ينۆەستيتسيالىق كورسەتكىشتەرى ب ج ز ق كورسەتكىشتەرىنەن تومەن. شىن مانىندە، بۇلار جەكە مەنشىك زەينەتاقى قورى ەمەس، بروكەرلىك كومپانيالار»، - دەدى دەپۋتات.
ماجىلىسمەن ۇكىمەتتەن قارجى نارىعىن رەتتەۋ جانە دامىتۋ اگەنتتىگىمەن بىرگە زەينەتاقى اكتيۆتەرىن باسقارۋدى جەكە زەينەتاقى قورلارىنا بەرۋ ارقىلى مونوپولياسىزداندىرۋدى سۇراپ وتىر.
«زەينەتاقى جيناعىنىڭ ءبىر بولىگىن پايدالانۋ شەگى كوتەرىلگەننەن بەرى الەمدە تەڭدەسى جوق بۇل باستامانىڭ پايداسى جوققا تەڭەستى. وزگە ەلدەر ءبىزدىڭ وسى تاجىريبەنى زەرتتەپ جاتقانى تۋرالى مالىمەت بار. ۇكىمەتكە زەينەتاقى جيناعىن پايدالانۋ شەگىن قايتا ءبىر قاراۋ كەرەك دەپ ەسەپتەيمىن. سونداي-اق، جەكە زەينەتاقى قورلارىن تارتقان كەزدە دە وسى تاجىريبەنى ەسكەرىپ، سالىمشىلاردى ىنتالاندىراتىن جاڭا پاكەت ازىرلەۋ قاجەت. مىسالى، ازاماتتارعا جيناقتىڭ ينۆەستيتسيالىق كىرىستىلىگى ينفلياتسيا دەڭگەيىنەن جوعارى بولسا، ءبىر بولىگىن شەشىپ الۋعا مۇمكىندىك بەرۋ كەرەك»، - دەدى امانجان جامالوۆ.
