قازاقستان-وزبەكستان اراسىندا توتەنشە جاعداي كەزىندە ءوزارا كومەك كورسەتۋ تۋرالى قۇجات ماقۇلداندى
اتالعان كەلىسىمگە 2021-جىلى 6- جەلتوقساندا ەلوردادا قول قويىلدى. كەلىسىم توتەنشە جاعدايدىڭ الدىن الۋ سالاسىندا قازاقستان مەن وزبەكستان ۇكىمەتتەرىنىڭ قۇزىرەتتى ورگاندارى ىنتىماقتاستىعىنىڭ قۇقىقتىق نەگىزدەرىن بەلگىلەۋگە باعىتتالعان.
ق ر توتەنشە جاعدايلار ۆيتسە-ءمينيسترى مارات كۇلدىكوۆتىڭ ايتۋىنشا، تاراپتاردىڭ بىرەۋىنىڭ اۋماعىندا توتەنشە جاعداي بولعان كەزدە، بىرلەسكەن ءىس-قيمىلداردىڭ ارقاسىندا وسى كەلىسىم ەرەجەسى ىسكە اسىرىلماق.
«اتالعان كەلىسىم تاجىريبە الماسۋعا، قاۋىپ بولعان جاعدايدا تۇرعىنداردى دايىنداۋعا، ەكى مەملەكەتتىڭ وقۋ ورىندارىندا ازاماتتىق قورعاۋ سالاسىندا مامانداردى وقىتۋعا، ءبىر ەلدىڭ اۋماعىندا بولعان توتەنشە جاعدايدى جويۋ كەزىندە كومەك كورسەتۋگە مۇمكىندىك بەرەدى»، - دەدى ۆيتسە-مينيستر.
ونىڭ سوزىنە قاراعاندا، زاڭ جوباسىنىڭ كەرى اسەرى جوق جانە قارجىلاي شىعىندى تالاپ ەتپەيدى. زاڭ جوباسىن قابىلداۋ اپاتتاردىڭ قاۋىپ-قاتەرىن تومەندەتۋگە جانە تاراپتاردىڭ اۋماعىندا تابيعي، تەحنوگەندى سيپاتتاعى توتەنشە جاعدايدىڭ سالدارىن ازايتۋعا مۇمكىندىك بەرەدى.
