مەملەكەتتىك ورگانداردىڭ اتىن جامىلىپ، تۇرعىنداردى الداپ كەلگەن الاياقتار ۇستالدى
باسپا ءسوز قىزمەتىنىڭ مالىمەتتەرىنە قاراعاندا، الياقتار مەملەكەتتىك ورگاندار باسشىلارىنىڭ سەنىمدى ادامدارى بولىپ كورىنىپ، ازاماتتاردى اداستىرىپ، ءارتۇرلى ماسەلەلەردىڭ شەشىمى ءۇشىن پارا بەرۋگە يتەرمەلەۋ ارقىلى ولاردىڭ قاراجاتىن ۇرلاعان.
توپ مۇشەلەرىنىڭ ءبىرى ب. ق. ابدىكەرىموۆ سوتتىڭ سانكسياسىمەن قاماۋعا الىندى.
باسقا قاتىسۋشى م. ج. تۇرانوۆتان «حالىقارالىق پوليتسيا ورتالىعى» («ynterpol Center UN» ) گەنەرال-مايورىنىڭ كۋالىگى تاركىلەندى.
قازىرگى ۋاقىتتا قىلمىستىق ءىس بويىنشا جەدەل-تەرگەۋ ءىس-شارالار كەشەنى جۇرگىزىلۋدە. اتالعان ادامداردىڭ باسقا قىلمىستار جاساۋعا قاتىسى بار-جوعى تەكسەرىلەدى.
تەرگەۋ مۇددەسى ءۇشىن وزگە دە اقپارات جاريا ەتۋگە جاتپايدى.
«سىبايلاس جەمقورلىققا قارسى قىزمەت الاياقتاردىڭ مەملەكەتتىك ورگانداردا ويدان شىعارىلعان بايلانىستارمەن جاسىرىنىپ، قىلمىستىق-جازالاناتىن ءىس-ارەكەتتەر جاساۋىنىڭ جالعاسىپ جاتقان جاعدايلارىنا نازار اۋدارادى. بارلىق وسىنداي فاكتىلەر تۋرالى 1424 ءنومىرى بويىنشا سىبايلاس جەمقورلىققا قارسى قىزمەتكە حابارلاسۋىڭىزدى سۇرايمىز»، - دەلىنگەن حابارلامادا.
