ەلىمىزدە مۇگەدەك بالالار نەگە كوبەيىپ كەتتى؟

مۇگەدەكتىك وتباسىنا دا، بالانىڭ وزىنە دە قيىندىق تۋدىرادى. اسىرەسە، تۋا ءبىتتى اقاۋلارمەن دۇنيەگە كەلەتىن نارەستەلەر وتە كوپ. مۇنداي اۋرۋلاردىڭ الدىن الۋعا بولا ما؟ نەلىكتەن مۇگەدەك بالالار كوبەيىپ كەتتى؟ جالپى ەلىمىزدە مۇگەدەك بالالاردىڭ سانى قانشا؟

قازاقستان رەسپۋبليكاسى ستراتەگيالىق جوسپارلاۋ جانە رەفورمالار اگەنتتىگىنىڭ ۇلتتىق ستاتيستيكا بيۋروسىنىڭ مالىمەتى بويىنشا، 2021 -جىلى جاڭا تۋعان نارەستەلەردەن باستاپ 17 جاسقا دەيىنگى مۇگەدەك بالالاردىڭ جالپى سانى - 98254. ال 2010 -جىلى 49349 مۇگەدەك بالا تىركەلگەن بولاتىن. دياگراممادان كورىپ تۇرعانىڭىزداي، مۇمكىندىگى شەكتەۋلى بالالاردىڭ سانى جىلدان جىلعا ارتۋدا.

«جالپى مۇگەدەكتىك قۇرىلىمىندا نەگىزىنەن %29 - جۇيكە جۇيەسى اۋرۋلارى، %26,4 - تۋا بىتكەن دامۋ اقاۋلارى، دەفورماتسيالار جانە حروموسومالىق اۋىتقۋلار، %17,5 - پسيحيكالىق بۇزىلۋلار جانە مىنەز-قۇلىق بۇزىلىستارى قۇرايدى»، - دەدى دەنساۋلىق ساقتاۋ ءمينيسترى اجار عينيات 2022 -جىلى ماۋسىم ايىندا وتكەن ۇكىمەت وتىرىسىندا.

مۇگەدەك بالالاردىڭ كوبەيىپ كەتكەنىن ستاتيستيكاعا قاراماي-اق، الەۋمەتتىك جەلىلەرگە كىرسەڭىز دە بايقايسىز: بالاسىنىڭ ەمىنە قاراجات جيناپ جاتقان ادامدار قانشاما.

«دەنى ساۋ ۇرپاق - ەل بولاشاعى» دەگەندى ءجيى ەستيمىز. سونداي-اق، 2022 -جىل - بالالار جىلى بولىپ بەلگىلەندى. الايدا، بۇل ەلىمىزدەگى مۇگەدەك بالالاردىڭ سانىن ازايتۋعا سەپتىگىن تيگىزىپ جاتپاعانداي.

ماسساگەت

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى