فۋتبولدان الەم چەمپيوناتىندا گەرمانيا العاشقى ويىنىن وتكىزەدى

العاشقىسى گەرمانيا جانە جاپونيا اراسىندا بولادى. ويىن ەلوردا ۋاقىتىمەن 19:00-دە باستالىپ، «Qazaqstan» جانە «Qazsport» تەلەارنالارىنان تىكەلەي ەفيردە كورسەتىلەدى.

گەرمانيا قۇراماسى الەم چەمپيوناتىنىڭ فينالدىق ساتىسىنا 20-مارتە قاتىسقالى وتىر. بۇعان دەيىن 1954، 1974، 1990، 2014 -جىلداردا چەمپيون اتانسا، 1966، 1982، 1986، 2002 -جىلداردا كۇمىس، 1934، 1970، 2006، 2010 -جىلداردا قولا جۇلدەگەر بولدى.

ولاردىڭ قارسىلاسى - جاپونيا ءدۇبىرلى دودادا جەتىنشى مارتە باق سىنايدى. ولار 2002، 2010، 2018 -جىلداردا 1/8 فينالعا دەيىن جەتتى.

ەكى قۇراما ءۇشىنشى مارتە شەبەرلىك بايقاسادى. العاشقى ەكەۋى جولداستىق كەزدەسۋ رەتىندە وتكىزىلگەن. 2004 -جىلى گەرمانيا 3:0 ەسەبىمەن جەڭىسكە جەتسە، 2006 -جىلى 2:2 ەسەبىمەن تەڭ تارقاستى.

اتالعان توپتاعى تاعى ءبىر كەزدەسۋدە يسپانيا مەن كوستا-ريكا شەبەرلىك بايقاسادى. ويىن ەلوردا ۋاقىتىمەن 22:00 دە باستالىپ، ونى «Qazaqstan» تەلەارناسىنان تىكەلەي ەفيردە تاماشالاۋعا بولادى.

الەمدىك فۋتبولدا وزىندىك ورنى بار يسپانيا ءدۇبىرلى دوداعا 17 مارتە كەلدى. قازىرگە دەيىن 2010 -جىلى چەمپيوندىق تۇعىرعا كوتەرىلدى.

ال كوستا-ريكا فۋتبولشىلارى ايتۋلى الامانعا جەتىنشى مارتە قادام باستى. ازىرگە ەڭ جوعارى جەتىستىگى رەتىندە 2014 -جىلى 1/4 فينالعا دەيىن جەتكەندىگىن ايتۋعا بولادى.

ەكى قۇراما بۇعان دەيىن ءۇش مارتە كەزدەستى. ونىڭ ەكەۋىندە يسپانيالىق فۋتبولشىلارى باسىم تۇسسە، ءبىر كەزدەسۋ تەڭ ناتيجەمەن اياقتالدى.

ەسكە سالساق، س توبىنداعى ارگەنتينا قۇراماسى ساۋد ارابياسىنان جەڭىلدى.

سونداي-اق، D توبىنداعى دانيا مەن تۋنيس قۇرامالارى تەڭ تارقاستى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى