التىنەمەل اسۋىندا كولىكتىڭ بارلىق تۇرىنە جول جابىلدى

«قازاۆتوجول» ۇلتتىق كومپانياسىنىڭ مالىمەتىنشە، بۇگىن، 22-قاراشا كەشكى 20.30 دان باستاپ «سارىوزەك- كوكتال» تاسجولىنىڭ 45-68 شاقىرىم ارالىعىندا كولىكتىڭ بارلىق ءتۇرىنىڭ قوزعالىسىنا تىيىم سالىندى.

بۇل ۋچاسكە - التىنەمەل اسۋىنىڭ تۇسى.

جولدىڭ جابىلۋىنا تولاسسىز جاۋعان قار، اقتۇتەك بوران، ەكپىنى سەكۋندىنا 20 مەترگە جەتەتىن كۇشتى جەل سەبەپ بولدى.

جولدىڭ اتالعان ۋچاسكەسىندە 6 ارنايى تەحنيكا كۇردەلى جوندەۋ جۇمىسىنا جۇمىلدىرىلعان.

ەسكە سالا كەتەيىك، مۇنىڭ الدىندا «الماتى - وسكەمەن» جولىندا تىركەمەلى جۇك كولىكتەرىنىڭ قوزعالىسىنا تىيىم سالىنعان ەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى