ەرلىكپەن كوز جۇمعان اسقار زابيكۋليندى اقتىق ساپارعا شىعارىپ سالدى

ساعات 12.00 دە رەسپۋبليكا بويىنشا توتەنشە جاعدايلار مينيسترلىگىنىڭ اۋماقتىق بولىمشەلەرىندە ءبىر مينۋت ۇنسىزدىك جاريالاندى.

اسقار زابيكۋلين تۋعان جەرىندە - ەڭبەكشىلدەر اۋدانى كازگورودوك اۋىلىندا جەرلەندى.

ەسكە سالا كەتەيىك، ەلوردادا كوپقاباتتى ۇيدە ءورت بولىپ، 3 ادام، ونىڭ ىشىندە ءبىر بالا اۋرۋحاناعا ءتۇستى.

ال 3 ادامدى قۇتقارعان استانالىق ءورت ءسوندىرۋشى اسقار زابيكۋليندى %80 كۇيىك شالىپ، جانساقتاۋ بولىمىنە جاتقىزىلدى. سونداي- اق، وعان دوستارى كومەك جينادى.

ودان بولەك، مەملەكەت باسشىسى ەرلىك كورسەتكەن جانە بىرنەشە ادامنىڭ ءومىرىن قۇتقارعان ەلوردالىق ءورت سوندىرۋشىلەردى قازاقستان رەسپۋبليكاسىنىڭ مەملەكەتتىك ناگرادالارىمەن ماراپاتتاۋ تۋرالى جارلىققا قول قويدى.

كەيىن ونىڭ وتباسىنا ءۇش بولمەلى پاتەردىڭ سەرتيفيكاتى تابىستالعان بولاتىن.

دەنەسىنىڭ 80 پايىزىن كۇيىك شالعان ءورت ءسوندىرۋشى 20-قاراشادا اۋرۋحانادا قايتىس بولدى.

مارقۇمنىڭ وتباسىنا كوڭىل ايتقان پرەزيدەنت استانا كوشەسىنە اسقار زابيكۋليننىڭ ەسىمى بەرىلىپ، ءبيۋستى ورناتىلاتىنىن مالىمدەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى