استىق ەكسپورتتاۋشىلارعا قۇن سالىعىنىڭ ارتىق سوماسىن قايتارۋ مەرزىمى ۇزارتىلماق

بۇل تۋرالى قارجى مينيسترلىگىنىڭ مەملەكەتتىك كىرىستەر كوميتەتى اشىق تالقىعا شىعارعان بۇيرىعىندا جازىلعان، دەپ حابارلايدى قازاقپارات ءتىلشىسى.

«پيلوتتىق جوبا قازاقستان رەسپۋبليكاسىنىڭ اۋماعىندا استىق نارىعىنا قاتىسۋشىلارعا قاتىستى 2021 -جىلعى 1-جەلتوقساننان 2024 -جىلعى 30-ماۋسىمعا دەيىن ىسكە اسىرىلادى»، - دەلىنگەن بۇيرىقتىڭ جاڭا رەداكسياسىندا.

بۇرىنعى تالاپ بويىنشا اتالعان ىلكى جوبا بيىل 31-جەلتوقساندا اياقتالۋى ءتيىس بولاتىن. كوميتەت دەرەگىنشە، بەلگىلەنگەن مەرزىمنىڭ اعىمداعى جىلى اياقتالۋى استىق ءوندىرىسى مەن ونىڭ ەكسپورتتىق كەزەڭدەرىنە تولىق تالداۋ جۇرگىزۋگە مۇمكىندىك بەرمەيدى. ال پيلوتتىق جوبانىڭ مەرزىمىن ۇزارتۋ - استىق نارىعىنا قاتىسۋشىلاردى كوبىرەك تارتۋعا سەپ بولماق.

قوسىمشا قۇن سالىعىنان اسىپ كەتكەن سومانى قايتارۋ ءۇشىن ەكسپورتتاۋشى مەملەكەتتىك كىرىستەر ورگاندارىنا ءوتىنىش جولداۋى قاجەت.

قايتارۋعا جاتاتىن قوسىمشا قۇن سالىعىنىڭ اسىپ كەتكەن سوماسىن ايقىنداۋ كەزىندە مىنالار ەسكەرىلەدى:

- ق ر «ۆاليۋتالىق رەتتەۋ جانە ۆاليۋتالىق باقىلاۋ تۋرالى» زاڭىندا ايقىندالعان تارتىپپەن اشىلعان قر اۋماعىنداعى ۋاكىلەتتى بانكتەردەگى سالىق تولەۋشىنىڭ بانكتىك شوتتارىنا ۆاليۋتالىق ءتۇسىم تۇسكەن تاۋارلار ەكسپورتى؛

- ە ا ە و كەدەندىك اۋماعىنان ەكسپورتتىڭ كەدەندىك راسىمىندە تاۋارلاردى اكەتۋ فاكتىسى؛

- «AstyqQoyma» ا ج- دەگى استىقتىڭ شىعارىلۋى مەن قوزعالىسى.

بۇيرىقتى اشىق تالقىلاۋ 5-جەلتوقسانعا دەيىن جالعاسادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى