سەمەي قالاسىندا زاماناۋي جىلۋ ەلەكتر ورتالىعى قاشان سالىنادى
بۇل جايىندا سەنات دەپۋتاتتارىنىڭ ساۋالىنا ق ر پرەمەر- ءمينيسترى ءاليحان سمايىلوۆتىڭ جاۋابىندا ايتىلعان، دەپ حابارلايدى قازاقپارات ءتىلشىسى.
ەستەرىڭىزگە سالا كەتسەك، مەملەكەت باسشىسى قاسىم- جومارت كەمەل ۇلى توقايەۆ وسى جىلعى 30-قىركۇيەگىندە اباي وبلىسىنا جۇمىس ساپارى بارىسىندا جەرگىلىكتى جۇرتشىلىق الدىندا سويلەگەن سوزىندە سەمەي قالاسىنداعى ينفراقۇرىلىمىنىڭ توزۋ ماسەلەلەرىنە ەرەكشە نازار اۋدارىپ، ۇكىمەتكە اكىمدىكپەن بىرلەسىپ، زاماناۋي جىلۋ ەلەكتر ورتالىعىن سالۋ ماسەلەسىن قاراستىرۋدى تاپسىرعان ەدى. سوندىقتان سەناتورلار ۇكىمەت باسشىسىنان وسى تاپسىرمانىڭ جۇزەگە اسىرىلۋ بارىسىن سۇراعان بولاتىن.
«مەملەكەت باسشىسىنىڭ جوعارىدا كورسەتىلگەن تاپسىرماسىن ورىنداۋ اياسىندا «سامۇرىق- قازىنا» ا ق سەمەي قالاسىندا جەو سالۋ جونىندەگى جوبانىڭ جاڭا تەحنيكالىق- ەكونوميكالىق نەگىزدەمەسىن (بۇدان ءارى – ت ە ن) ازىرلەۋگە كىرىستى. تەن اۋقىمىندا سەمەي قالاسىن دامىتۋدىڭ پەرسپەكتيۆالىق جوسپارلارىن ەسكەرە وتىرىپ، جىلۋمەن جابدىقتاۋ ماسەلەسىن كەشەندى شەشۋ قارالاتىن بولادى. تەن دايىنداۋ بويىنشا جۇمىستاردى اياقتاۋ مەرزىمى - 2023 -جىلدىڭ ءۇشىنشى توقسانى. جوبانى ىسكە اسىرۋعا ينۆەستيتسيالار تارتۋ ت ە ن ناتيجەلەرىنىڭ نەگىزىندە «ەلەكتر ەنەرگەتيكاسى تۋرالى» قازاقستان رەسپۋبليكاسى زاڭىنىڭ 15-6-بابىندا كوزدەلگەن قولدانىستاعى تەتىك - جاڭادان پايدالانۋعا بەرىلەتىن گەنەراتسيالايتىن قوندىرعىلاردى سالۋعا تەندەر وتكىزۋ جولىمەن قامتاماسىز ەتىلەدى»، - دەدى ءاليحان سمايىلوۆ جاۋابىندا.
