مينيستر قيار مەن قىزاناقتىڭ قىمباتتاۋ سەبەبىن ءتۇسىندىردى

«قيار مەن قىزاناق 1,5 مىڭ تەڭگەدەن ساتىلىپ جاتىر، قىستا 2-3 مىڭ تەڭگەدەن ساتىلۋى مۇمكىن بە؟»، - دەپ سۇرادى تىلشىلەر ۇكىمەت وتىرىسىنان كەيىن كۋلۋاردا.

ەربول قاراشوكەيەۆتىڭ ايتۋىنشا، بۇگىندە كوكونىستەر بويىنشا جاعداي تۇراقتى.

«كارتوپ 130-140 تەڭگە تۇرادى. مۇنداي باعا ەشقاشان بولعان ەمەس. ءبىز بيىل كوكونىستەر بويىنشا قاجەتتىلىكتى 4,2 ميلليون توننادان 4,9 ميلليون تونناعا دەيىن كوتەردىك. تولىعىمەن كارتوپقا، سابىزگە، قىرىققاباتقا ءوز قاجەتتىلىگىمىزدى جاپتىق. الداعى ۋاقىتتا دا سولاي بولادى.

قيار مەن قىزاناققا كەلسەك، بۇل جاعداي جىل سايىن قايتالانادى. قازان، قاراشا ايلارىندا اشىق توپىراقتا ەگىن ەگۋ توقتايدى. جىلىجايلاردا وسكەن كوكونىس قىمباتىراق بولادى. وسىعان بايلانىستى باعانىڭ شامالى قىمباتتاۋى ءاردايىم بولادى، ءبىراق ءبارىبىر قىزاناقتىڭ 1,5 مىڭ تەڭگەگە ساتىلۋى جاقسى ەمەس»، - دەيدى ە. قاراشوكەيەۆ.

بۇعان دەيىن ق ر پرەمەر-ءمينيسترىنىڭ ورىنباسارى - ساۋدا جانە ينتەگراتسيا ءمينيسترى سەرىك جۇمانعارين قازاقستاندا قانت تاپشىلىعى بولمايتىنىن ايتقان ەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى