اۋىل تۇرعىندارىنىڭ نەگىزگى تابىس كوزى قانداي؟

وتباسىلاردىڭ الەۋمەتتىك- ەكونوميكالىق مارتەبەسىن زەرتتەۋ، بىرىنشىدەن، وتباسىنىڭ جاعدايى - قوعام جاعدايىنىڭ بارومەترى، ازاماتتارعا دامۋ ءۇشىن ناقتى مۇمكىندىكتەر جاساۋدى ارتتىرۋ ءۇشىن ماڭىزدى. وتباسىنىڭ ءومىر ءسۇرۋ دەڭگەيى نەعۇرلىم جوعارى بولسا، قوعامنىڭ دامۋ دەڭگەيى سوعۇرلىم ارتادى. ەكىنشىدەن، وتباسىنىڭ الەۋمەتتىك- ەكونوميكالىق جاعدايى ونىڭ نەگىزگى فۋنكسيالارىن ورىنداۋعا جانە تۇتاس العاندا وتباسىنىڭ ومىرىنە ىقپال ەتۋىنە ماڭىزدى.

ينفوگرافيكادا 2021 -جىلى وتكىزىلگەن ساۋالناما بويىنشا قازاقستان اۋىلدارىنداعى وتباسىنىڭ الەۋمەتتىك- ەكونوميكالىق جاعدايى كورسەتىلگەن.

ءبىر قىزىعى، بۇل كورسەتكىشتەر رەسپوندەنتتىڭ ءبىلىم دەڭگەيى مەن قارجىلىق جاعدايىنا بايلانىستى وزگەرەدى. ماسەلەن، جوعارى ءبىلىمى جانە ماتەريالدىق جاعدايى جاقسى ازاماتتاردىڭ تۇراقتى قوسىمشا تابىسى بار. ال كەزدەيسوق تابىس كوزىن ورتا ءبىلىمى بار رەسپوندەنتتەر مەن اقشا ءتىپتى ازىق-تۇلىك ساتىپ الۋعا جەتپەيتىن رەسپوندەنتتەر قاناعات تۇتادى.

ينستيتۋت مالىمەتىنشە، وڭىرلەر بولىنىسىندە ەڭبەكاقىعا قوسىمشا تابىس كوبىنە الماتى (22,6 پايىز) جانە قوستاناي (22,4 پايىز) وبلىستارىنىڭ تۇرعىندارى الادى. كەزدەيسوق تابىس پاۆلودار وبلىسىنىڭ ءاربىر بەسىنشى رەسپوندەنتىندە (18,4 پايىز) جانە سولتۇستىك قازاقستان وبلىسىنىڭ ءاربىر جەتىنشى رەسپوندەنتىندە (13,2 پايىز) ارتىق تابىس كوزى بار.

ساۋالناماعا 1200 ادام قاتىسقان. زەرتتەۋ قازاقستاننىڭ 14 وبلىسىنداعى اۋىلدىق ەلدى مەكەندەردى قامتىعان.

كورسەتكىشتەردىڭ جيىنتىعى 100 پايىزعا تەڭ ەمەس، ويتكەنى رەسپوندەنتتەرگە تاڭداۋ ءۇشىن جاۋاپتىڭ بىرنەشە نۇسقاسى بەرىلگەن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى