فۋتبولدان ءا چ: ارگەنتينا العاشقى ويىنىن وتكىزەدى

اتالعان توپتا ارگەنتينا، ساۋد ارابياسى، مەكسيكا، پولشا قۇرامالارى سىنعا تۇسەدى.

س توبىنداعى العاشقى كەزدەسۋ ارگەنتينا مەن ساۋد ارابياسى قۇرامالارى اراسىندا ەلوردا ۋاقىتىمەن 16:00-دە باستالىپ، «قازاقستان» جانە «قازسپورت» تەلەارنالارىنان تىكەلەي ەفيردە كورسەتىلەدى.

ارگەنتينا قۇراماسى الەم چەمپيوناتىنا بۇعان دەيىن 17 مارتە قاتىستى. 1978، 1986 -جىلداردا چەمپيون اتانسا، 1990، 2014 -جىلدارى كۇمىس مەدال الدى.

ال ساۋد ارابياسى بيىل ءدۇبىرلى دوداعا التىنشى مارتە كەلىپ وتىر. 1994 -جىلى العاش رەت كەلىپ، 1/8 فينالعا دەيىن جەتتى.

ەكى قۇراما بۇعان دەيىن ءتورت مارتە كەزدەستى. ولاردىڭ بارلىعى جولداستىق كەزدەسۋ ەسەبىندە وتكىزىلگەن. 1988 -جىلى 6 -شىلدەدە 2:2، 2012 -جىلى 14- قاراشادا 0:0 ەسەبىمەن تەڭ ءتۇستى. ال ارگەنتينا 1988 -جىلى 16 - شىلدەدە 3:1، 1992 -جىلى 20- قازاندا 2:0 ەسەبىمەن باسىم ءتۇستى.

اتالعان توپتاعى مەكسيكا جانە پولشا كەزدەسۋ ەلوردا ۋاقىتىمەن 22:00-دە «قازسپورت» تەلەارناسىنان تىكەلەي ەفيردە كورسەتىلەدى.

بيىل الەم چەمپيوناتىنا 18 مارتە قاتىسقالى وتىرعان مەكسيكا 1970، 1986 -جىلداردا جانە 1994-2018 -جىلدار ارالىعىندا 1/8 فينالعا دەيىن جەتتى.

ال ليەۆاندوۆسكي باستاعان پولشا قۇراماسى بيىل الەم چەمپيوناتىنا سەگىزىنشى مارتە اياق باسىپ وتىر. ولار 1974، 1982 -جىلداردا قولا جۇلدەگەر اتاندى.

ەكى قۇراما بۇعان دەيىن سەگىز مارتە كەزدەستى. ونىڭ 3- ءى مەكسيكا، 3- ءى پولشانىڭ باسىمدىعىمەن، 2- ءى تەڭ ناتيجەمەن اياقتالدى.

بۇگىن، 22 - قاراشادا D توبىنداعى دانيا - تۋنيس، فرانسيا - اۆستراليا قۇرامالارى كەزدەسەدى.

ەسكە سالساق، بۇدان بۇرىن ا توبىندا انگليا قۇراماسى يراندى ءىرى ەسەپپەن جەڭسە، نيدەرلاندى سەنەگالدان باسىم ءتۇستى.

سونداي- اق، ا توبىنداعى ەكى ويىننىڭ ناتيجەسى بەلگىلى بولدى.

اۆتور

ءادىلجان ۇمبەت

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى