استاناداعى ءورت كەزىندە قازا بولعان ءورت ءسوندىرۋشىنىڭ ۆيدەوسى جۇرتتى تەبىرەنتتى
ۆيدەو ق ر توتەنشە جاعدايلار مينيسترلىگىنىڭ رەسمي پاراقشاسىندا جاريالانعان.
«ەر ەسىمى - ەل ەسىندە!» - دەلىنگەن ۆيدەودا.
جەلى قولدانۋشىلارى ۆيدەوعا جانتەبىرەنتەرلىك پىكىر جازىپ جاتىر.
«ەرجۇرەك باتىرىمىز اسقار ءجانناتتىڭ قاق تورىنەن ورىن الىپ جاتقان شىعار»، «اللا جار بولسىن، يماندى بولسىن... وتە وكىنىشتى. وتباسىنا كوڭىل ايتامىز...»، «جانى ءجانناتتان بولسىن! قازاقتىڭ قاس باتىرى»، «جانى ءجانناتتا بولسىن»، - دەپ جازعان جەلىدەگىلەر.
ەسكە سالايىق، بۇعان دەيىن استاناداعى تۇرعىن ۇيدەن شىققان ءورت كەزدە زارداپ شەككەن ءورت ءسوندىرۋشى قايتىس بولعانى حابارلانعان بولاتىن. سونداي-اق، استاناداعى كوشەلەردىڭ بىرىنە ءورت ءسوندىرۋشى اسقار زابيكۋليننىڭ ەسىمى بەرىلىپ، بيۋستى ورناتىلعان ەدى.
