اقتوبەلىك قازبەك ساعىن م م ا- دەن وتكەن جارىستاعى جەڭىسىن قاسىم- جومارت توقايەۆقا ارنادى

بۇل تۋرالى قازاقپارات اقتوبە وبلىسى اكىمدىگىنىڭ Facebook پاراقشاسىنا سىلتەمە جاساپ حابارلايدى.

جارىسقا قازاقستان، ۇلى بريتانيا، رەسەي فەدەراتسياسى، قىرعىزستان، جاپونيا، برازيليا، ازەربايجان جانە وزبەكستاننان كەلگەن سپورتشىلار قاتىستى.

سپورتتىق شاراعا وبلىس اكىمى ەرالى توعجانوۆ باردى. ءوڭىر باسشىسى سالاۋاتتى ءومىر سالتىن ناسيحاتتاۋ، اسىرەسە وعان جاستاردى تارتۋداعى حالىقارالىق ءتۋرنيردىڭ ماڭىزدىلىعىن باسا ايتتى.

«مەملەكەت باسشىسى قاسىم- جومارت توقايەۆتىڭ تاپسىرماسىنا سايكەس، بۇقارالىق سپورتتى دامىتۋ، سالاۋاتتى ءومىر سالتىن ۇستانۋ باعىتىندا جۇيەلى جۇمىستار اتقارىلىپ كەلەدى. ۇلت دەنساۋلىعىن نىعايتۋ - باستى مىندەتتەردىڭ ءبىرى. جاستار اراسىندا بۇقارالىق سپورتتى ناسيحاتتاپ، دامىتۋ كەرەك. ول ءۇشىن سپورتتىق ينفراقۇرىلىمدى بارىنشا قولجەتىمدى ەتىپ جاسايمىز جانە اقتوبە وبلىسىندا، ونىڭ ىشىندە رەسپۋبليكالىق، حالىقارالىق جانە الەمدىك دەڭگەيدەگى جارىستاردى ۇيىمداستىرۋعا اتسالىسامىز. ءبىزدىڭ جاستار مىقتى سپورتشىلاردىڭ ەسىمدەرىن ءبىلىپ قانا قويماي، سپورتپەن شۇعىلدانۋ كەزىندە دە تاباندى جانە باتىل بولىپ ءوسۋى كەرەك. بۇل تۋرنير اقتوبە جاستارىنىڭ سالاۋاتتى ءومىر سالتىنا دەگەن قىزىعۋشىلىعىن ارتتىرادى دەگەن سەنىمدەمىن»، - دەپ اتاپ ءوتتى ەرالى توعجانوۆ.

24 سپورتشىنىڭ قاتىسۋىمەن بارلىعى 12 جەكپە- جەك ءوتتى.

اقتوبەلىك جاۋىنگەرلەر رينگكە ەل پرەزيدەنتىنىڭ پورترەتى بەينەلەنگەن فۋتبولكالارمەن شىقتى. مۇنىمەن سپورتشىلار قاسىم- جومارت توقايەۆتىڭ كەزەكتەن تىس سايلاۋدا جەڭىسكە جەتكەنىن، بويلارىن ماقتانىش سەزىمى كەرنەيتىنىن بىلدىرگىسى كەلگەن.

كەشتىڭ باستى جەكپە- جەگىندە Naiza ليگاسىنىڭ بەلبەۋى ءۇشىن 53 كەلىگە دەيىنگى ەڭ جەڭىل سالماق دارەجەسىندە قازاقستاندىق سپورتشى، قويان- قولتىق جەكپە- جەكتەن ءۇش دۇركىن الەم چەمپيونى قازبەك ساعىن جانە بريتاندىق فايتەر دجون شينك كەزدەستى. ەرەكشە اسەرلى جەكپە- جەكتىڭ قورىتىندىسى بويىنشا DAR Team كاسىبي كلۋبىنىڭ جاۋىنگەرى قازبەك ساعىن چەمپيوندىق بەلبەۋ يەگەرى اتاندى.

Naiza-داعى ءوزىنىڭ تاريحي جەڭىسىن ول مەملەكەت باسشىسىنا ارنادى.

«كومانداعا، ءوز باپكەرىم ازيز رازىيەۆكە العىس ايتامىن. ءبىز ناعىز باتىر حالىقپىز. ەلدىڭ اتىن الەمگە پاش ەتۋگە دايىنمىن. بۇگىنگى جەڭىسىمدى ەل پرەزيدەنتى قاسىم- جومارت توقايەۆقا، اسكەري مىندەتتىن ورىنداپ كەلگەن ازامات رەتىندە ەلىمىزدىڭ باس قولباسشىسىنا ارنايمىن»، - دەدى قازبەك ساعىن. سونداي- اق، جاڭا چەمپيوندىق بەلبەۋ يەگەرى ءوزىنىڭ وتباسى مەن اتا- اناسىنا جارىس جولىندا جان- جاقتى قولداۋ كورسەتكەنى ءۇشىن العىس ءبىلدىردى.

Naiza 48 تۋرنيرىندە داستان امانگەلدى، استراحاندىق قازاق سەرىك رازعاليەۆ جانە م م ا- دان ءۇش دۇركىن الەم چەمپيونى باعدات جۇبانىش كەرەمەت ويىن كورسەتتى.

«ءبىزدىڭ ەڭ وزەكتى ماقساتتارىمىزدىڭ ءبىرى - وڭىرلەردە سپورتتى دامىتىپ، قولداۋ. Naiza-نىڭ اقتوبەدە ءوتۋى سپورتسۇيەر جاستارعا ۇلكەن سەرپىن بەرەدى. ال بۇل - وڭىرلەردىڭ الەۋمەتتىك دامۋىنىڭ ماڭىزدى بولىگى. «توبەلەسكىڭ كەلسە - رينگتە» اياسىندا ءبىز قوعامنىڭ الەۋمەتتىك وسال توپتارىنا جاتاتىن جاستارعا الەۋمەتتىك ساتى بولا الاتىن كاسىبي سپورت بار ەكەنىن ايتقىمىز كەلەدى. ولاردىڭ كوشەگە شىعىپ توبەلەسكەنىن ەمەس، ءبىر كەزدەرى وزدەرىن تابا الماي، ءبىراق سپورتپەن اينالىسىپ، ناتيجەسىندە بەلگىلى ءبىر جەتىستىككە جەتكەن، بۇگىندە الەمنىڭ جەتەكشى ليگالارىندا ونەر كورسەتىپ جۇرگەن تابىستى جاۋىنگەرلەردى كورگەنىن قالايمىز»، - دەدى Naiza پرەزيدەنتى نۇربەك قارابالا.

سونىمەن قاتار، حالىقارالىق تۋرنير اياسىندا 21-23- قاراشا ارالىعىندا اقتوبەدە قازاقستاندىق

جەكپە- جەك ليگاسىنىڭ Naiza - Naiza Sport Week سپورت اپتالىعى وتەدى. ءبىر اپتا بويى اقتوبەلىكتەر تانىمال جاتتىقتىرۋشىلار مەن سپورتشىلاردىڭ شەبەرلىك ساباقتارىنا، موتيۆاتسيالىق كەزدەسۋلەرىنە قاتىسىپ، قازاقستاننىڭ م م ا جۇلدىزدارى مەن اتاقتى باسكەتبولشىلارى وينايتىن رەگبولدان «Batyr Bol» اتتى تۋرنيردى، سونداي- اق ەلىمىزدىڭ جانە الەمنىڭ مىقتى سپورتشىلارىنىڭ باسىن قوساتىن گرەپپلينگتەن گران- پريدى تاماشالاي الادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى