قازاقستان ۋران ءوندىرىسىنىڭ كولەمىن ۇلعايتا ما
«بولجامداردى، ۋراندى ەلەكتر ەنەرگياسىن گەنەراتسيالاۋ ءۇشىن الاتىن ەنەرگەتيكالىق كومپانيالاردىڭ سۇرانىسى مەن ۇسىنىسىن ەسەپكە الساق، ءبىز كوبىنە اتوم ستانسالارىنىڭ يەلەرى مەن وپەراتورلارىنا قارايلايمىز. ولاردىڭ جاعدايى ءبىرقالىپتى بولۋى ءۇشىن جاڭا كەنىشتەردى دايىنداپ، ازىرلەيمىز»، - دەدى سپيكەر رەسەي فەدەراتسياسىنىڭ سوچي قالاسىندا ءوتىپ جاتقان «اتوم ەكسپو-2022» اتتى حالىقارالىق فورۋمدا.
سونداي-اق، اسقار باتىربايەۆ ەلدە جاڭا ۋران كەنىشتەرى اشىلۋى ءۇشىن قانداي العىشارتتار كەرەك ەكەنىن ءتۇسىندىردى.
«ءبىز جاڭا كەنىشتەردى سۇرانىس پەن ۇسىنىس اراسىنداعى تەڭگەرىمدى نەگىزگە الا وتىرىپ اشامىز. سونداي-اق، «قازاتومونەركاسىپ» ءوز اكسيونەرلەرىنە كەلىسىمشارت پورتفەلىندە مىندەتتى تۇردە كورىنىس تاباتىنداي قوسىمشا قۇندىلىق بار ەكەنىن كورسە، جاڭا كەنىشتەر اشادى. ياعني، بىزدە ۋران ءوندىرىسىنىڭ كولەمىن ارتتىرۋ تۋرالى كەلىسىمشارت پايدا بولعان كەزدە-اق سونىڭ نەگىزىندە ءوندىرىستى ازايتامىز نەمەسە كوبەيتەمىز»، - دەدى اسقار باتىربايەۆ.
