قازاقستان مەن وزبەكستان مەملەكەتتىك شەكارانى دەماركاتسيالاۋ شارتىن دايىندادى – ق ر س ءى م
ب ا ق وكىلدەرىنىڭ قاتىسۋىمەن وتكەن بريفينگتە سىرتقى ىستەر مينيسترلىگىنىڭ رەسمي وكىلى ايبەك سمادياروۆ وسىلاي مالىمدەدى، دەپ حابارلايدى قازاقپارات ءتىلشىسى.
«14-19- قاراشا ارالىعىندا تاشكەنت قالاسىندا بىرلەسكەن قازاقستان-وزبەكستان دەماركاتسيالىق كوميسسياسىنداعى قازاقستان رەسپۋبليكاسى مەن وزبەكستان رەسپۋبليكاسى ۇكىمەتتىك دەلەگاتسيالارىنىڭ 100-وتىرىسى ءوتتى.
تاراپتار قازاقستان-وزبەكستان مەملەكەتتىك شەكاراسىن شەگەندەۋ تۋرالى شارتتىڭ جوباسىن جانە اتالعان شارتقا قوسىمشا بولىپ تابىلاتىن شەكارانى دەماركاتسيالاۋدىڭ قورىتىندى قۇجاتتارىنىڭ جوبالارىن قول قويۋعا دايىندادى. سونىمەن قاتار، تاراپتار بىرلەسكەن قازاقستان-وزبەكستان دەماركاتسيالىق كوميسسياسىنىڭ جۇمىسى تۋرالى قورىتىندى حاتتاماعا قول قويدى. كەلىسسوزدەر دوستىق پەن ءوزارا تۇسىنىستىك سيپاتىندا ءوتتى»، - دەپ اتاپ ءوتتى ۆەدومستۆونىڭ رەسمي وكىلى.
مۇنىمەن قوسا، بريفينگ بارىسىندا ايبەك سمادياروۆ پرەزيدەنت سايلاۋىندا شەت ەلدەردە داۋىس بەرۋ پروتسەسىنىڭ قالاي وتكەنى تۋرالى باياندادى. ونىڭ ايتۋىنشا، 3 شەت مەملەكەتتە قازاقستاندىقتار كوپ داۋىس بەرگەن.
