ەلدە سوعىم باعاسى قانشا - بازاردان فوتورەپورتاج
Massaget.kz ءتىلشىسى بۇل سۇراقتاردىڭ جاۋابىن ىزدەپ، ەل وڭىرىندەگى سوعىم باعاسىنا شولۋ جاسادى.
ادەتتە، قازاقتار قاراشا مەن جەلتوقسان باسىندا سوعىم الىپ، قىسقا دايىندالادى. جىل سايىن سوعىم باعاسى ءارى كەتسە 500 تەڭگەگە وسسە، بيىل ءتۇرلى ساياسي احۋالدىڭ كەسىرىنەن ەت باعاسى ەكى ەسەگە وسكەن.
اقتوبە تۇرعىنى بيىل سوعىمدى كوتەرمە باعامەن العانىن ايتادى. ول بىلتىر سوعىمعا جىلقى ەتىن السا، بيىل تۇتاس سيىر ەتىن العان.
«ءبىز تۇتاس قاشار ەتىن الدىق. جىل سايىن الىپ جۇرگەن تانىسىمىز بار، ول بىزگە كوتەرمە ساۋدا باعاسىمەن 2 مىڭعا بەردى. سوعىمىمىز 140 كەلى بولدى. بىزگە 280 مىڭ تەڭگەگە شىقتى. بۇل بازارداعى باعا ەمەس، بازاردا قازىر 2 مىڭ جارىم تەڭگەدەن جوعارى، سوندا بىزگە 350 مىڭعا شىعاتىن ەدى»، - دەيدى ول.
تۇتاس سوعىم مەن مالدىڭ ءبىر اياعىنىڭ باعاسى ءارتۇرلى. ادەتتە 12 جىلىكتى تۇتاس الۋعا شاماسى كەلمەيتىندەر ءوزارا ءبولىپ الادى. بۇعان قوسا، تۇتاس مالدىڭ ەتىن العان ءتيىمدى. سوعىم ناۋقانى باستالعالى ەت باعاسى ءورشىپ تۇر. تۇرعىنداردىڭ ايتۋىنشا، قازىر جىلقىنىڭ ءبىر اياعى - 2600 تەڭگە.
OLX- تەگى سوعىم باعاسىن قاراساق، ەل شىعىسىندا جاس بيەلەر 600 مىڭنان باستالادى. ال تۇتاس سيىر ەتى 200 مىڭنان باستالىپ، 400 مىڭعا جەتەدى. باتىس قازاقستان وبلىسىندا تۇتاس سيىر ەتى 200-300 مىڭ ارالىعىندا تۇر. ال سولتۇستىك قازاقستاندا جىلقى ەتىنىڭ باعاسى ءتىپتى 700 مىڭعا جەتەدى.
ەكى اي بۇرىنعى «كوك بازارداعى» ەت باعاسى
بۇدان ەكى اي بۇرىن «كوك بازارداعى» ساتۋشىلار ەتتىڭ باعاسى نەگە كۇرت وسكەنىن ايتتى. كەيبىر ەت ساتۋشىلار ەت باعاسى مەملەكەت باسشىسىنىڭ قىركۇيەكتەگى جولداۋىنان كەيىن ءوسىپ كەتتى دەيدى. ارينە بۇعان الەمدەگى ساياسي احۋال دا اسەر ەتەدى. ماسەلەن، سوعىس باستالعاننان كەيىن ەت باعاسى مىڭ تەڭگەگە قىمباتتاعان.
«ۋكراينا مەن رەسەي اراسىنداعى سوعىس پەن ينفلياتسياعا بايلانىستى. بۇدان باسقا، ەت باعاسى نارىقتاعى باعاعا قاراي وزگەرەدى عوي. ءبىزدىڭ ەت ارزان بولىپ جاتقاسىن، كەيبىرى ءتىپتى شەتەلگە تاسىپ جاتىر»، - دەيدى ەت ساتۋشى.
