قازاقستان وندىرگەن كۇرىش ىشكى قاجەتتىلىكتى جابۋعا تولىق جەتەدى
شالا كۇرىشتەن كۇرىش جارماسىنىڭ شىعىمدىلىعى - %50. وسىلايشا وڭدەۋدەن كەيىن قويمالارعا شامامەن 221,2 مىڭ توننا تۇسەدى.
ىشكى نارىقتىڭ جىل سايىنعى قاجەتتىلىگى - شامامەن 165 مىڭ توننا. بۇل وندىرىلگەن كولەمنەن از.
وسىلايشا، بىلتىرعى قالدىقتار مەن جاڭا ەگىن قازاقستان حالقىنىڭ كۇرىشكە دەگەن قاجەتتىلىگىن قامتاماسىز ەتۋگە جەتكىلىكتى ەكەنىن سەنىمدى تۇردە اتاپ وتۋگە بولادى.
سونىمەن قاتار، ارتىق ءونىم باسقا ەلدەرگە ەكسپورتتالادى. 2022-جىلدىڭ 8 ايىندا 67,8 مىڭ توننا ەكسپورتتالدى.
سونىمەن قاتار، 2022-جىلى قازاقستان اۋماعىنداعى كۇرىشتىڭ ەگىس القابى 87,8 مىڭ گەكتاردى قۇرادى، بۇل 2021-جىلعى دەڭگەيدەن 8,4 مىڭ گەكتارعا از.
كۇرىش القاپتارى ىسقارۋىنىڭ نەگىزگى سەبەبى - ۆەگەتاتسيالىق كەزەڭدە قاجەت سۋارمالى سۋ تاپشىلىعى ماسەلەسى.
ايتا كەتۋ كەرەك، ۇكىمەت كۇرىش پەن ماقتا داقىلدارىن ازايتۋ ماسەلەسىنە وتە سالماقتى قارادى، ويتكەنى بۇل ماسەلە الەۋمەتتىك جانە ەكونوميكالىق سيپاتقا يە.
كۇرىشتىڭ مەليوراتسيالىق داقىلدىڭ ءبىر ءتۇرى ەكەنىن ەسكەرە وتىرىپ، ينجەنەرلىك-دايىندالعان جەرلەردىڭ قايتالاما تۇزدانۋىنا جول بەرمەۋ ءۇشىن، بۇرىن كۇرىش وسىرىلگەن جەرلەردە ىلعال سىيىمدىلىعى از جانە تۇزعا ءتوزىمدى داقىلداردىڭ ەگىستىكتەرىنىڭ ۇلەسىن ارتتىرىپ، عىلىمي نەگىزدەلگەن اۋىسپالى ەگىستى ەنگىزۋ بويىنشا جۇمىس ءجۇرىپ جاتىر.
