قارۋ-جاراق، وق-دارىلەر تاۋىپ العان تالدىقورعاندىق وقۋشىلار ماراپاتتالدى
تالدىقورعان قالاسىنىڭ مەكتەپ وقۋشىلارى، 11 جاستاعى مەيىر مۇحتار ۇلى مەن 9 جاستاعى ۆالەنتين ارتەمەنكو زاۋىت ماڭىنان اتىس قارۋى مەن وق-دارىلەر تاۋىپ الدى. وقيعا ورنىنا كەلگەن پوليتسيا قىزمەتكەرلەرى 2 پ م (ماكاروۆ تاپانشاسى) جانە 30 دان استام پاترون تاركىلەدى.
قارۋدىڭ اتۋعا جارامدىلىعىن تەكسەرۋ ءۇشىن ساراپتاماعا جىبەرىلدى. ازاماتتىق بورىشىن كورسەتكەن سانالى جاس وسپىرىمدەردى قالالىق پوليتسيا باسشىلىعى گراموتالارمەن جانە ەستەلىك سىيلىقتارمەن ماراپاتتادى. سونىمەن قاتار ءتارتىپ ساقشىلارى بالالارىنا لايىقتى تاربيە بەرگەن اتا-انالارىنا العىستارىن ءبىلدىردى.
وبلىس پوليتسەيلەرى اتىس قارۋى مەن وق-دارىلەردى ءوز ەركىمەن تاپسىرعان ازاماتتاردىڭ ارەكەتتەرىندە باسقا قىلمىستار بولماسا، قىلمىستىق جاۋاپكەرشىلىكتەن بوساتىلاتىنىن ەسكە سالادى. بۇل رەتتە ادامدى قاماۋعا الۋ كەزىندە، سونىمەن قاتار ولارعا انىقتاۋ جانە تەرگەۋ ارەكەتتەرىن جۇرگىزۋ بارىسىندا الىنعان قارۋ «ءوز ەركىمەن تاپسىرۋ» دەپ تانىلمايتىنىن ەسكەرتەدى.
