ءبىرقاتار ەلدىڭ باسشىلارى قاسىم- جومارت توقايەۆتى سايلاۋداعى جەڭىسىمەن قۇتتىقتادى
تاجىكستان پرەزيدەنتى ەمومالي راحمون قاسىم- جومارت توقايەۆتى قازاقستان رەسپۋبليكاسىنىڭ كەزەكتەن تىس پرەزيدەنت سايلاۋىنداعى ايقىن جەڭىسىمەن قۇتتىقتادى.
مەملەكەتتەر باسشىلارى كەلەسى جىلدىڭ باسىندا ەكى ەلدىڭ اراسىندا ديپلوماتيالىق قارىم- قاتىناس ورناعانىنا 30 جىل تولاتىنىن اتاپ ءوتتى.
تاراپتار قازاقستان مەن تاجىكستان حالىقتارىنىڭ يگىلىگى جولىندا ىنتىماقتاستىقتى ودان ءارى نىعايتۋعا دايىن ەكەنىن جەتكىزدى.
سونىمەن قاتار پرەزيدەنتتەر حالىقارالىق جانە وڭىرلىك كۇن تارتىبىندەگى وزەكتى ماسەلەلەر جونىندە پىكىر الماستى.
قاسىم- جومارت توقايەۆ وزبەكستان رەسپۋبليكاسىنىڭ پرەزيدەنتى شاۆكات ميرزيەۆپەن تەلەفون ارقىلى سويلەستى، دەپ حابارلايدى اقوردانىڭ باسپا ءسوز قىزمەتى.
وزبەكستان پرەزيدەنتى شاۆكات ميرزيەۆ قاسىم- جومارت توقايەۆتى قازاقستان رەسپۋبليكاسىنىڭ كەزەكتەن تىس پرەزيدەنت سايلاۋىنداعى ايقىن جەڭىسىمەن قۇتتىقتادى.
مەملەكەت باسشىسى بۇگىندە ەكى ەل اراسىنداعى قارىم- قاتىناس قارقىندى دامىپ كەلە جاتقانىن جانە ستراتەگيالىق سەرىكتەستىك دەڭگەيىنە تولىق ساي كەلەتىنىن اتاپ ءوتتى.
پرەزيدەنتتەر قازاق- وزبەك ستراتەگيالىق سەرىكتەستىگى مەن وداقتاستىعىنىڭ قازىرگى جاعدايىن جانە دامۋ پەرسپەكتيۆالارىن تالقىلادى. سونداي- اق الداعى كەزدەسۋلەردىڭ كەستەسىن قاراستىردى.
قاسىم- جومارت توقايەۆ قىرعىز رەسپۋبليكاسىنىڭ پرەزيدەنتى سادىر جاپاروۆپەن تەلەفون ارقىلى سويلەستى.
سادىر جاپاروۆ قاسىم- جومارت توقايەۆتى پرەزيدەنت سايلاۋىنداعى سەنىمدى جەڭىسىمەن قۇتتىقتاپ، جوعارى مەملەكەتتىك قىزمەتىنە تابىس تىلەدى.
مەملەكەت باسشىسى قۇتتىقتاعانى ءۇشىن سادىر جاپاروۆقا ريزاشىلىعىن ءبىلدىرىپ، قىرعىزستانمەن اراداعى كوپجاقتى قارىم- قاتىناستى ودان ءارى نىعايتا بەرەتىنىنە نيەتتى ەكەنىن جەتكىزدى.
اڭگىمەلەسۋ بارىسىندا تاراپتار قازاق- قىرعىز ستراتەگيالىق سەرىكتەستىگى مەن وداقتاستىعى قارقىندى دامىپ كەلە جاتقانىن اتاپ ءوتتى.
فوتو: akorda.kz
