ديماش ازياداعى ەڭ ءىرى شارالاردىڭ ءبىرىنىڭ ساحناسىندا ونەر كورسەتتى
TEDxGateway حالىقارالىق كونفەرەنتسياسى ماڭىزدى جاڭا يدەيالاردى زەرتتەۋ جانە ءبولىسۋ بويىنشا Tedx-تىڭ جاھاندىق ميسسياسىنا ارنالعان. جىل سايىنعى شارا الەمدى تەرەڭىرەك تۇسىنۋگە ۇمتىلاتىن ءتۇرلى مادەنيەتتەر مەن ۇلتتاردىڭ كورنەكتى وكىلدەرىن بىرىكتىرەدى.
ءىس-شارا ۇلتتىق ونەر كورسەتۋ ورتالىعىندا (NCPA) ءوتتى. تەاتر 1982 -جىلى اشىلعان. بۇگىندە بۇل مۋمبايدىڭ تانىمال نىساندارىنىڭ ءبىرى.
كەشتى ءانشى ءارى كومپوزيتور سونام كالرا جۇرگىزدى. حيندي تىلىندە تاۋەلسىز فيلمدەردەگى جۇمىسىمەن تانىمال ۇندىلىك كينو جانە تەاتر اكتريساسى شەفالي شاح شارا قوناعى بولدى.
كونفەرەنسيانىڭ مادەني باعدارلاماسىندا ءۇندىستاننىڭ ەڭ ۇزدىك كاتحاك ءبيشىسى جانە حورەوگرافتارىنىڭ ءبىرى اديتي مانگالداسپەن بىرگە ديماش قۇدايبەرگەن ونەر كورسەتتى.
ديماش پەن ونىڭ Dears فاندومىن تانىمال پروديۋسەر رالف سايمون تانىستىردى. ساحنادا 3 ءان - Golden, S. O. S جانە Give Me Your Love شىرقالدى.
ءارتىستىڭ شىعارماشىلىق ومىرىندە ۇلكەن ءرول اتقارعان ەڭ تانىمال جانە ماڭىزدى شىعارمالاردىڭ ءبىرى، فرانتسۋز تىلىندەگى كلاسسيكالىق S. O. S انىنە كورەرمەن قىزۋ قوشەمەت ءبىلدىردى.
اعىلشىن تىلىندەگى «Golden» كومپوزيتسياسى پروگرەسسيۆتى جاستار اۋديتورياسىنا ءتان ادىلدىككە جانە العا قويىلعان ماقساتقا قول جەتكىزۋگە دەگەن ۇمتىلىستى كورسەتەدى.
ديماشتىڭ جىگەر مەن وپتيميزمگە تولى اۆتورلىق «Give me your love» ءانى كەشتى اياقتاپ، زالدا جانە ەكراننىڭ ار جاعىندا وتىرعان كورەرمەنگە پوزيتيۆ پەن ەنەرگيا سىيلادى.
